(හේමලතා ඩී හේවගේ)                                       

පන්නල සෞඛ්‍ය වෛද්‍ය නිළධාරී කොට්ඨාසයෙන් පී සී ආර් පරීක්ෂණ සඳහා කුලියාපිටිය ශික්ෂණ රෝහල වෙත යොමු කළ 18 දෙනෙකුගෙන් කිසිදු අයෙකුට කොරෝනා වයිරසය ආසාදනය වී නොමැති බවට අද (17) තහවුරු වී ඇති බව පන්නල සෞඛ්‍ය වෛද්‍ය නිළධාරී කාර්යාලය පවසයි.

නාරංගොඩල ගෝනුල්ලල කඳානේගෙදර සහ යක්විල යන ප්‍රදේශවලට අයත් පවුල් 4 ක පිරිසක් මේ සඳහා යොමු කර ඇති අතර ඔවුන් තවදුරටත් ස්වයං නිරෝධායනය කිරීම සිදුකරන බව සඳහන් කරයි.

මෙම ස්වයං නිරෝධායනයට යොමු කළ පිරිස කන්දකාඩු පුනරුත්ථාපන මධ්‍යස්ථානයට සම්බන්ධව සේවය කළ කොරෝනා ආසාදිතයන් බවට හඳුනාගත් පුද්ගලයින්ගේ සමීපතයන් ලෙස ඇසුරු කළ අයවලුන් බවත් සෞඛ්‍ය වෛද්‍ය නිළධාරී කාර්යාලය  සඳහන් කරයි.

පන්නල  සෞබ්‍ය වෛද්‍ය නිළධාරිනී සාමා හේරත් මහත්මියගේ උපදෙස් මත මහජන සෞඛ්‍ය පරීක්ෂකවරුන් විසින් මෙම පිරිස පීසීආර් පරීක්ෂණ සඳහා යොමුකර තිබේ.