ගෝලීය අර්බුද රැසක් නිර්මාණය කළ නව කොරෝනා වයිරසය හේතුවෙන් මේ වනවිට ලොවපුරා 606,605කට ජීවිත අහිමි වී ඇත.

නව කොරෝනා වයිරසය හෙවත් ‘කොවිඩ්-19’ වයිරසය පිළිබඳව මුල් වරට වාර්තා වූයේ පසුගිය වසරේ දෙසැම්බර් මාසයේදී ය. ඒ චීනයෙනි. චීනයෙන් හුබෙයි පළාතේ වූහාන් නගරයෙන් වයිරසය ව්‍යාප්ත පටන්ගෙන මේ වනවිට මාස හතකට අධික කාලයක් ගත වී ඇත.

මේ වනවිට ලොවපුරා රටවලින් වාර්තා වන නව කොරෝනා වයිරස ආසාදිතයන්ගේ ගණන 14,528,490කි. වයිරසය ආසාදනය වී සුවය ලැබූවන්ගේ ගණන 7,935,600කි.

ලොව බොහෝ රටවල් තවමත් වයිරස ආසාදිතයන් හඳුනාගැනීමේ පී.සී.ආර්. පරීක්ෂණ හෙවත් කොවිඩ්-19 පරීක්ෂණ සිදු කරයි. එහෙත් ඉන් රටවල් බොහෝමයක් පරීක්ෂා කරන්නේ රෝග ලක්ෂණ පෙන්නුම් කරන සහ අසාද්‍ය තත්ත්වය පසුවන්නන් පමණි.

ලොවපුරා රටවලින් ඉරිදා දිනයේදී වාර්තා වූ නව කොරෝනා වයිරස ආසාදිතයන්ගේ ගණන 224,583ක් වූ අතර වාර්තා වූ ආසාදිත මරණ ගණන 4,584ක් විය. වැඩිම මරණ සංඛ්‍යාවක් වාර්තා වූයේ බ්‍රසීලයෙනි. එරටින් වාර්තා වූ මරණ ගණන 716කි. දෙවැනියට ඉන්දියාවෙන් මරණ 681ක් ද එක්සත් ජනපදයෙන් මරණ 514ක් ද වාර්තා විය.

නව කොරෝනා වයිරසය හේතුවෙන් වැඩිම මරණ ගණනක් වාර්තා වන්නේ ඇමෙරිකා එක්සත් ජනපදයෙනි. වැඩිම ආසාදිතයන් වාර්තා වන්නේ ද එරටිනි. එරටින් වාර්තා වන ආසාදිතයන්ගේ ගණන 3,773,260ක් වන අතර වාර්තා වන මරණ ගණන 140,121කි.

ඇමෙරිකා එක්සත් ජනපදයට පසු නව කොරෝනා වයිරසය හේතුවෙන් වැඩිම බලපෑමක් එල්ල වී ඇත්තේ බ්‍රසීලයටය. බ්‍රසීලයෙන් අද වනවිට වාර්තා වන නව කොරෝනා වයිරස ආසාදිතයන්ගේ සමස්ත ගණණ 2,098,389ක් වන අතර එරටින් වාර්තා වන මරණ ගණන 79,488කි. එක්සත් රාජධානියෙන් නව කොරෝනා වයිරස ආසාදිත මරණ 45,300ක් සහ ආසාදිතයන් 294,792 දෙනකු වාර්තා වේ.

ඒ.එෆ්.පී.

055