හිරාන් ප්‍රියංකර ජයසිංහ

පුත්තලම තබ්බෝව යුද හමුදා කදවුරේ සේවය කරමින් සිටි කෝප්‍රල්වරයකු හා ඉන්දුනීසියාවේ සංචාරයක නිරත වු අයකු කොරෝනා රෝග ලක්ෂණ මතු කිරීමත් සමග ආරක්ෂීතව පුත්තලම මුලික රෝහලින් කුරුණෑගල ශික්ෂණ රෝහල වෙත යැවීමට කටයුතු කළ බව රෝහල් ආරංචි මාර්ග පවසයි .

යුද හමුදා කෝප්‍රල්වරයා තබ්බෝව කඳවුරේ සේවය කරමින් සිටියදී ඇතිවු අසනීප තත්වයත් සමග තබ්බෝව රෝහලට ඇතුළත් කර ඉන් පසුව පුත්තලම මුලික රෝහලට ඇතුලත් කර ඇති බව කියයි.

ඒ සමගම ඉන්දුනිසියාවේ හා තායිලන්තයේ සංචාරයක නිරත වි පැමින යම් රෝග ලක්ෂණ පෙන්නුම් කල පුත්තලම නගරයේ මුස්ලිම් ජාතිකයකු ද පුත්තලම මුලික රෝහලට ඇතුළත් කර තිබිණි.

මෙම දෙදෙනාම කෝවිඩ් 19 ( කොරෝනා ) රෝග ලක්ෂණ පෙන්නුම් කිරීමත් සමග රෝහල් ආරක්ෂීතව පුත්තලම මුලික රෝහලින් කුරුණැගල ශික්ෂණ රෝහලට මාරු කර යවා තිබේ .

මේ පිළිබදව කළ විමසීමේදි පුත්තලම රෝහල් අධ්‍යක්ෂ සුමිත් අත්තනායක මහතා පැවසුවේ මෙම දෙදෙනාගේ සෞඛ්‍ය තත්වය පිළිබඳව යම් සැක සංකා මතු වීමත් සමග වහාම අදාල තත්වය තහවුරු කර ගැනීමට කුරුණෑගල යැවීමට කටයුතු කළ බවයි.