( සම්පත් ප්‍රියනන්දන සහ නාලක ජේ හෙට්ටිආරච්චි)

බලන්ගොඩ  රජවක   බෝවත්ත  රජයේ  රක්ෂිතයට අනවසරයෙන් ඇතුළු වි  පතල්  කපමින්  සිටි  පුද්ගලයන්  හතරදෙනෙකු   අද (04) අත්අඩංගුවට  ගෙන  පසුව  බලන්ගොඩ   මහජන සෞඛ්‍ය පරික්ෂක පරික්ෂක  නිළධාරීන්  මාර්ගයෙන්  ස්වයං නිරෝධනයට ලක් කල බව බලන්ගොඩ අඩවි වන නිළධාරී විජයන්ත උපුල් මහතා  පැවැසිය.
 
 බලන්ගොඩ   බෝමිඅරාව  ප්‍රදේශයේ පදිංචි පුද්ගලයන්  තිදෙනෙකු සහ බණ්ඩාරගම ප්‍රදේශයේ පදිංචි පුද්ගලයෙකු මෙලෙස අත්අඩංගුවට ගෙන ඇත.
 
 බණ්ඩාරගම ප්‍රදේශයේ පදිංචි පුද්ගලයා  එම ප්‍රදේශයේ  සිට  පැමිණි  බලන්ගොඩ  ප්‍රදේශයේ  තිදෙනෙකු සමග මැණික් ගැරිම  හේතුවෙන්   කොරෝනා වයිරසය අවදානම් තත්ත්වය  හේතුවෙන්  මොවුන් හතරදෙනාම  බලන්ගොඩ ප්‍රදේශයේ  නිවෙස්වල  මහජන සෞඛ්‍ය පරික්ෂක නිළධාරීන්ගේ  අධික්ෂනය යටතේ  ස්වයං නිරෝධනයට ලක්  කිරිමට  කටයුතු කර ඇත.
 
  දින 14 ක නිරෝධනය අවසන්  වු පසු   රක්ෂිතයේ මැණික් ගැරිම  චෝදනාව  යටතේ  ඉදිරියේදි  මොවුන්ට එරෙහිව  නඩු පවරා බලන්ගොඩ මහෙස්ත්‍රාත් වරයා හමුවට ඉදිරිපත් කිරිමට කටයුතු කරන බව බලන්ගොඩ අඩවි වන නිළධාරී විජයන්ත උපුල් මහතා වැඩිදුරටත් සදහන් කලේය.