කොරෝනා වයිරස අවදානම හේතුවෙන් ජපානයට ඇතුළු වීමට තහනම් පනවා තිබියදී පවතින නේවාසික පදනම යටතේ විදේශීය ජාතිකයින්ට තම රටට පැමිණීමට අවසර දීමට ජපන් රජය තීරණය කර ඇත.

ඒ අනුව  ශිෂ්‍යයන්ට, පුහුණු කාර්මිකයන්ට මෙම අවස්ථාව හිමි වේ.
 
සීමා පැනවීමට පෙර මොවුහු තාවකාලිකව ජපානයෙන් පිටත්වූ අය වෙති.

රටවල් 129 කට  දැනට ජපානයට ඇතුළු විය නොහැකි වූ අතර රට තුළ පදිංචිව සිටි  අයට පවා විශේෂ තත්වයන් නොමැති නම් නැවත රටට ඇතුළු වීම  තහනම් විය.

කොන්දේසි ගණනාවට අනුකූලව ඉහළ පෙළේ විදේශ රාජ්‍ය නිලධාරීන්ට ද ජපානයට ඇතුළු වීමට අවස්ථාව ලබා දී තිබුණි.

මෙම මාසය අවසානයේ එකඟතාවන්ට පැමිණීම අරමුණු කරගනමින්  රටවල් 10 ක පමණ ව්‍යාපාරිකයින්ට ජපානයට පැමිණීමට අවස්ථාව දීමට ජපන් රජය සැලසුම් කර ඇත.

වියට්නාමයට පනවා තිබූ ගමන් සීමාවන් ලිහිල් කිරීමට ද ජපානය දැනටමත් එකඟ වී ඇති බව වාර්තා වේ.

-226-
 එන්.එච්.කේ ඇසුරෙනි