ඉකුත් අප්‍රේල් මාසයෙන් පසුව දිනක් ඇතුළත ඇමෙරිකා එක්සත් ජනපදයෙන් වාර්තා වූ වැඩිම නව කොරෝනා වයිරස ආසාදිතයන්ගේ ගණන ඊයේ (24) වාර්තා විය.

ඒ අනුව එම ගණන 34,700 ඉක්මවා ගොස් තිබිණි. තවමත් වැඩිම නව කොරෝනා වයිරස ආසාදිතයන් ගණනක් සහ වයිරස ආසාදිත මරණ ගණනක් වාර්තා වන්නේ ඇමෙරිකා එක්සත් ජනපදයෙනි.

වයිරසයේ ව්‍යාප්තිය උච්ඡතම අවස්ථාවට පැමිණි කාලයේදී  ඇමෙරිකාවෙන් ඇතැම් දිනවලදී ආසාදිතයන් 36,400 ඉක්මවා වාර්තා විය.
පසුගිය සති කිහිපයේදී ඇමෙරිකා එක්සත් ජනපදයෙන් දෛනිකව වාර්තා වූ නව කොරෝනා වයිරස ආසාදිතයන්ගේ සහ ආසාදිත මරණ ගණන්වල අඩුවක් දක්නට ලැබුණ ද පසුගිය දින කිහිපයේදී එම තත්ත්වය වෙනස් වී තිබේ. ඇමෙරිකා එක්සත් ජනපදයේ ප්‍රාන්ත 30කට අධික සංඛ්‍යාවක දෛනිකව වාර්තා වන වයිරස ආසාදිතයන්ගේ සහ ආසාදිත මරණ ගණන්වල ශීඝ්‍ර වැඩිවීමක් දක්නට ඇතැයි එරට මාධ්‍ය වාර්තා කර තිබිණි.

මේ ආකාරයෙන් ආසාදිතයන් වාර්තා වීම නොසලකා හැරියහොත් ව්‍යසනකාරී තත්ත්වයක් ඇතිවනු ඇතැයි පරිපාලකයන් සහ සෞඛ්‍ය විශේෂඥයන් , දේශපාලනඥයන්ට සහ මහජනතාවට අනතුරු අඟවා ඇත.

ද ගාඩියන්

055