සමාජ මාධ්ය ඔස්සේ ඉස්ලාම් ධර්මයට අපහාස කළ බවට චෝදනාවට වරදකරුවන් කරමින් ශ්රී ලාංකිකයන් තිදෙනෙකුට එක් අයෙකුට ඩිරාම් ලක්ෂ 5 (ශ්රී ලංකා මුදලින් රුපියල් කෝටි 2.5) බැගින් දඩයක් ගෙවන ලෙස ඩුබායි අධිකරණය ලබාදුන් තීන්දුවට එරෙහිව අභියාචනා ගොනු කිරීමට ලබාදුන් කාලය ඇතුළත එම චූදිතයන් අභියාචනා ගොනු කර නැතැයි ඩුබායි හී පළවන කලීජ් ටයිම්ස් පුවත්පත අද (21) වාර්තා කළේය.
කෙසේ වෙතත් මේ සඳහා අභියාචනා ඉදිරිපත් කිරීමට ලබාදුන් කාලය තුළදී චෝදනා ලත් පුද්ගලයන් අභියාචනා ඉදිරිපත් නොකිරීම හේතුවෙන් මුලින් ලබාදුන් තීන්දුව අවසන් තීන්දුව බවට එම අධිකරණය විසින් ප්රකාශයට පත් කරනු ලැබ ඇතැයි කලීජ් ටයිම්ස් වාර්තාවේ වැඩිදුරටත් සඳහන් වේ.
ඩුබායිහි තරු පහේ හෝටලයක ආරක්ෂක භටයින් ලෙස සේවය කළ අවුරුදු 28 ත් - 34 ත් අතර ශ්රී ලාංකිකයන් තිදෙනෙකුට මෙසේ දඩ ගෙවන ලෙසට ඩුබායි අධිකරණය පසුගිය දෙසැම්බර් මස 22 වැනිදා නියෝග කෙරිණි.
මේ සම්බන්ධයෙන් පළමුව ඩුබායි අධිකරණය නියෝග කරනු ලැබුවේ පැන වූ දඩ මුදල් ගෙවා විත්තිකරුවන් තිදෙනා ඩුබායි රාජ්යයෙන් පිටුවහල් කරන ලෙසය.
ෆෙස්බුක් හා ඉන්ස්ටග්රෑම් සමාජ මාධ්ය ඔස්සේ මෙම චූදිත ලාංකිකයන් තිදෙනා ඉස්ලාම් දහමට අපහාස කළ බවට ඩුබායි අධිකරණය හමුවේ චෝදනා ගොනු කර තිබිණි.
මෙම නඩු විභාගය පසුගිය වසරේ මැයි 19 දා මුලින්ම විභාගයට ගෙන තිබේ. ශ්රී ලංකාවට එල්ල වූ පාස්කු ඉරුදින ත්රස්ත ප්රහාරයෙන් අනතුරුව ඔවුන් ඉස්ලාම් දහමට අපහාස වන ආකාරයෙන් සිය සමාජ මාධ්ය ගිණුම් ඔස්සේ විවිධ දෑ පළකර තිබූ බව පැමිණිල්ල මෙහෙයවූ ඩුබායි අල් බර්ෂා පොලිසිය මෙම නඩු විභාගයේදී අධිකරණය හමුවේ කියා සිටියේය.
නඩු විභාගයේදී ඔවුන්ගේ දුරකතන වලින් ලබාගත් පණිවිඩ හා ඡායාරූප සාක්ෂි වශයෙන් භාවිත කිරීමටද එම පොලිසිය කටයුතු කර තිබිණි.
මුලින්ම නඩු විභාගය තුළද චෝදනා ලැබ සිටි ලාංකිකයින් සඳහන් කර සිටියේ ඉස්ලාම් දහමට අපහාස කිරිමේ චෝදනා ප්රතික්ෂේප කරන බවත් ශ්රී ලංකාවට එල්ල වූ ත්රස්ත ප්රහාරයෙන් පසුව ත්රස්තවාදයට එරෙහිව පමණක් අදහස් පළකළ බවත්ය.
කෙසේ වෙතත් ඩුබායි මාධ්ය වාර්තා සඳහන් කළේ නඩු විභාගය අතර තුළදී ඔවුන් අදාළ චෝදනා පිළිගත් බවය.
(125)
ශ්රී ලංකා රූපවාහිනී සංස්ථාව මගින් විකාශය කළ ’’ඉරා අඳුරු පට’’ නැමැති වැඩසටහන හදිසියේ අතරමග නතර කිරීම තුළින් එම ආයතනය එම වැඩසටහනේ ප්රේක්ෂකයින් වූ නි
සම්පූර්ණයෙන්ම මුහුණු ආවරණය කළ ආරක්ෂිත හිස් වැසුම් පලඳින යතුරුපැදිකරුවන්ට එරෙහිව නීතිමය පියවර නොගන්නා ලෙස නීතිපතිවරයා විසින් පොලිස්පතිවරයා වෙත උප
ශ්රී ලංකාවේ ප්රථම නියෝජ්ය පොලිස්පතිනිය ලෙස පසුගියදා උසස් වීම් ලද බිම්ශානී ජාසිංහ ආරච්චි මහත්මියගේ එම උසස් වීම බල රහිත කරන ලෙස ඉල්ලා ජ්යේෂ්ඨ පොල
මාස 11ක් වයසැති පුතාට සහ අවුරුදු තුනක් වයසැති තම දියණියට වස පෙවූ 28 හැවිරිදි මවක් මාර්තු 01 දින දක්වා රක්ෂිත බන්ධනාගාර ගත කරන ලෙස දඹුල්ල වැඩබලන මහේස්ත්රා
මියගිය සිය පුත්රයා කොවිඩ් ආසාදිත දැයි නිශ්චිතව දැන ගැනීම සඳහා යළිත් වරක් පී.සී.ආර්. පරීක්ෂණයට ලක් කරන්නැයි ඉල්ලා ඉදිරිපත් කළ පෙත්සමේ වගඋත්තරකරුවන්
මාතර පුහුල්වැල්ල මධ්ය මහා විද්යාලයේ විනය භාර ආචාර්යවරයා විසින් සිසුවෙකුගේ කනට ගසා බරපතල හානි කිරීමෙන් එම සිසුවාගේ මූලික අයිතිවාසිකම් කඩ වී ඇති බවට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ලාංකිකයන් තිදෙනාට ඩුබායි අධිකරණය ලබාදුන් තීන්දුවට එරෙහිව අභියාචනා ගොනු කර නෑ