හච්, වර්තමානයේ පවතින ප්‍රවාහන දුෂ්කරතා සාර්ථකව ජයගැනීමට සහයක් වෙමින් සිය බෙදාහැරීමේ නියෝජිතයන් වෙත ඉලෙක්ට්‍රික් බයිසිකල් ලබාදීමේ වැඩසටහනක් පසුගියදා ආරම්භ කරන ලදී.

බොහෝ දියුණුවෙමින් පවතින රටවල මෙන් ශ්‍රී ලංකාවේද ජංගම දුරකථන පාරිභෝගිකයන්ගෙන් සියයට90 ක් පෙරගෙවුම් සේවාවන් සඳහා යොමුව සිටින බැවින් රීචාර්ජ් වවුචර් සහ ඉලෙක්ට්‍රොනික රීලෝඩ් ලබාගැනීමට ඇති පහසුකම අතිශය වැදගත් බවද එම සමාගම සඳහන් කරයි.

මෙම වැඩසටහන මඟින් හච් බෙදාහැරීමේ ජාලය වෙත ඉලෙක්ට්‍රික් බයිසිකල්  200කට අධික සංඛ්‍යාවක් ලබාදෙන අතර එමගින් දීපව්‍යාප්ත වෙළඳ මධ්‍යස්ථාන 75,000කට අධික ගණනක් වෙත සිය ජංගම නිෂ්පාදන අඛණ්ඩව ලබාදීම සහතික කෙරෙනු ඇත.

සිය නවතම මුලපිරීම පිළිබඳව අදහස් දක්වමින් හච් හි ප්‍රධාන විධායක නිලධාරී තිරුකුමාර් නඩරාසා මෙලෙස සඳහන් කළේය. 

“රටේ පවතින ඉන්ධන හිඟය නිසා යතුරුපැදි භාවිතයෙන් අපගේ ජංගම නිෂ්පාදන බෙදාහැරීම ඉතා දුෂ්කර කටයුත්තක් වී ඇති අතර එය පාපැදි සහ පොදු ප්‍රවාහන සේවාවලට සීමාකර ඇත. අත්‍යවශ්‍ය සන්නිවේදන සේවා සපයන්නකු ලෙස, පාරිභෝගිකයන්ට බාධාවකින් තොරව අපගේ සේවා වෙත ප්‍රවේශ වීමට අවශ්‍ය පහසුකම් අඛණ්ඩව සැපයීමට නව සහ කාලෝචිත විසඳුම් අවශ්‍ය බව අපි අවබෝධ කරගත්තෙමු. එයට විසඳුමක් ලෙස හඳුන්වාදුන් මෙම ඉලෙක්ට්‍රික් බයිසිකල් ලබාදීමේ වැඩසටහන අපගේ නිෂ්පාදන වටිනා පාරිභෝගිකයන් වෙත අඛණ්ඩව ළඟා වීම සහතික කරනු ඇත.”‍

595