භානුක අමරසිංහ 

ලංකා ටයිල්ස් පීඑල්සී සහ ලංකා වෝල්ටයිල්ස් පීඑල්සී යන සමාගම්හි නව අධ්‍යක්ෂ මණ්ඩල සාමාජිකයකු ලෙස හර්ෂ අමරසේකර මහතා පත් කරගත් බව එම සමාගම් පවසයි. ඒ අනුව ඔක්තෝබර් 30 වැනිදා සිට බලාත්මක වන පරිදි ඒ මහතා විධායක නොවන අධ්‍යක්ෂවරයකු ලෙස පත් කරගත් බව සමාගම සඳහන් කරයි.  

එසේම මෙම පත්වීම ලබන අවස්ථාව වනවිට අමරසේකර මහතා සතුව එම සමාගම් දෙකෙහිම කිසිදු කොටස් හිමිකාරිත්වයක් නොමැති බවත් සමාගම වැඩිදුරටත් පවසයි.  

කෙසේ වෙතත් හර්ෂ අමරසේකර මහතා එම සමාගම් දෙකෙහිම කොටස් හිමිකාරීත්වයක් පවතින රෝයල් සෙරමික්ස් ලංකා පීඑල්සී සමාගමේ සම සභාපතිවරයා සහ අධ්‍යක්ෂ මණ්ඩල සාමාජිකයකු ලෙස කටයුතු කරයි. එහිදී එම සමාගම සතුව ලංකා ටයිල්ස් පීඑල්සී සමාගමේ කොටස් 6,942,405ක්ද, ලංකා වෝල්ටයිල්ස් පීඑල්සී සමාගමේ 148,921,090 ක් හිමි බවත් සඳහන් වෙයි.