කොළඹ කොටස් හුවමාරුව මෙම සතියේ තෙවැනි දිනටත් කැපී පෙනෙන පහළ වැටීමෙන් පෙන්නුම් කළ බව වාර්තා වෙයි. ඒ අනුව සියලු‍ කොටස් මිල දර්ශකය යළිත් ඒකක 17,000 සීමාව වෙත පසුබසිමින් ඒකක 17,071.44ක් ලෙස සටහන් විය. එය පෙර දිනය හා සැසඳීමේදී ඒකක 210.51ක එනම් සියයට 1.22 ක පසුබැසීමකි.
 එසේම ස්ටෑන්ඩර්ඩ් ඇන්ඩ් පුවර්ස් ශ්‍රී ලංකා දර්ශකයත් ඊයේ දිනයේදී ඒකක 5,094.31ක් දක්වා පහත වැටුණු අතර, එය පෙර දිනය හා සැසඳීමේදී ඒකක 57.43ක් එනම් සියයට 1.11 ක පසුබැසීමකි. දිනය තුළ කොටස් මිලියන 181.2ක් ගනුදෙනු වූ අතර, රුපියල් බිලියන 3.89 ක පිරිවැටුමක් වාර්තා විය. විශේෂයෙන්ම මැදපෙරදිග කලාපයේ දරුණු වෙමින් පවතින යුද ගැටුම් තත්වය නිසා මතුව තිබෙන අස්ථාවරත්වය වෙළෙදපොළ වෙත බලපා තිබෙන බව විශ්ලේෂකයෝ පවසති.