(නිමල කොඩිතුවක්කු)

පසුගිය වර්ෂවලට සාපේක්ෂව වාහන අලෙවිය සියයට 85 කින් පමණ පහත වැටී ඇතැයි ශ‍්‍රී ලංකා වාහන ආනයන කරුවන්ගේ සංගමයේ සභාපති රන්ජන් පීරිස් මහතා ලංකාදිපයට පැවසීය.

මේ හේතුවෙන් වාහන ආනයනකරුවන් දැඩි අර්බුදයකට ලක්ව ඇතැයිද රන්ජන් පීරිස් මහතා සඳහන් කළේය.

වාහන සඳහා පනවා ඇති බදු මුදල් ඉහළ දැමීම, රුපියල අව ප‍්‍රමාණය වීමෙන් වාහන වල මිල ඉහළ යාම හේතුවෙන් වාහන අලෙවිය සියයට හැටකින් පමණ අඩුවී තිබූ බවත් පාස්කු ප‍්‍රහාරයෙන් පසු මෙම තත්වය සියයයට 85කින් පමණ වර්ධනය වී ඇති බවත් ඔහු සඳහන් කළේය.

රට තුළ ආර්ථිකය කඩා වැටීම, ව්‍යාපාර කඩාවැටීම, ජනතාවගේ ආදායම් මාර්ග අවහිර වීම මෙම තත්වයට බෙහෙවින් බලපා ඇතැයිද රන්ජන් පීරිස් මහතා පැවැසීය.

මෙරට තුළ වැඩි වශයෙන් අලෙවි වන  සුසුකි  වැගන් ආර්, ටොයටා ඇක්සියෝ,  ප‍්‍රිමියෝ, ටොයටා විට්ස් මෝටර් රථ වල සිට සියලූම වාහන සඳහා මෙම තත්වය බලපා ඇතැයිද ඔහු සඳහන් කළේය.