එච්.එම්. හේරත් - මැණික්හින්න 

ශ්‍රී ලංකාවේ කෝපි කර්මාන්තයට වසර 200 ක් පිරීම නිමිත්තෙන් සංවිධානය කරන ලද කෝපි මහෝත්සවය  “Coffee Festival - 2025” කෝපි ව්‍යවසාය ප්‍රවර්ධන වැඩසටහන හා වෙළෙඳ ප්‍රදර්ශනය මධ්‍යම පළාත් ආණ්ඩුකාරවර මහාචාර්ය සරත් අභයකෝන් හා මහනුවර දිස්ත්‍රික් පාර්ලිමේන්තු මන්ත්‍රී තනුර දිසානායක යන මහත්වරුන්ගේ ප්‍රධානත්වයෙන් මහනුවර කැන්ඩි සිටි සෙන්ටර් ආයතන පරිශ්‍රයේදී පසුගියදා පැවැත්විණ.

කෝපි ව්‍යවසායකයන් ප්‍රවර්ධන කිරීම වෙනුවෙන් සංවිධානය වූ මෙම වැඩසටහනේ දී කෝපි නව නිෂ්පාදන, අපනයන මට්ටමේ නිෂ්පාදන හා විවිධාංගිකරණයට ලක් කරන ලද භාණ්ඩ, ආහාර ප්‍රභේද හා කුළු බඩු විශේෂ පිළිබඳව දැනුම ලබාදීම හා පාරිභෝගිකයන්ට නිෂ්පාදන ලබා ගැනීමට මෙහිදී අවස්ථාව උදා කොට පැවතුණි.

කුළුබඩු බෝග වගාකරුවන්, ඒ ආශ්‍රිත නිෂ්පාදන කර්මාන්තයේ නිරත ව්‍යවසායකයන්, නිෂ්පාදන විවිධාංගීකරණයට ලක්කරමින් අගය එකතු කිරීමේ නිරත ව්‍යවසායකයන්, කෝපි නිෂ්පාදන අපනයනකරුවන්, කෝපි නිෂ්පාදන ආශ්‍රිත යන්ත්‍ර නිෂ්පාදකයන්, ඇසුරුම්කරණ ක්‍රියාවලියේ නිරතව සිටින්නන් මෙන්ම සහතිකකරණය සිදු කරන ආයතන ඇතුළු සේවා සපයන ආයතන රැසක් මෙම ප්‍රදර්ශනය සඳහා දායකත්වය ලබාදී තිබුණි.

අපනයන කෘෂිකර්ම දෙපාර්තමේන්තුව, MDF ආයතනය සහ කෝපි සංගමය එක්ව සංවිධානය කළ මෙම අවස්ථාවට මහනුවර දිස්ත්‍රික් ලේකම් ඉන්දික උඩවත්ත මහතා ඇතුළු අපනයන කෘෂිකර්ම දෙපාර්තමේන්තුවේ නිලධාරීහු සහභාගී වූහ.