ලෝකයේ ප්රමුඛතම ස්වාධීන සන්නාම ඇගයීමේ සමාගමක් වන බ්රෑන්ඩ් ෆයිනෑන්ස් විසින් ප්රකාශයට පත්කළ ශ්රී ලංකාවේ 2022 වසරේ හොඳම සන්නාම ශ්රේණිගත කිරීමෙහි ස්ථාන පහක් ඉදිරියට පැමිණෙමින් සෙලින්කෝ ලයිෆ් නැවත වතාවක් ‘ශ්රී ලංකාවේ වඩාත්ම වටිනා ජීවිත රක්ෂණ සමාගම’ බවට පත්වීමට සමත්ව ඇතැයි එම සමාගම කියයි.
මෙහිදී, 2022 වසර සඳහා සෙලින්කෝ ලයිෆ් සන්නාමයේ වටිනාකම රුපියල් බිලියන 3.8 ක් යැයි බ්රෑන්ඩ් ෆයිනෑන්ස් විසින් ගණනය කර තිබෙන අතර එය 2021 වසරේදී ලබාදුන් වටිනාකමට වඩා සියයට 8.8 ක වර්ධනයකි. විශාල බැංකු, විදුලි සංදේශ සමාගම් සහ සිල්ලර වෙළඳ පොළේ දැවැන්තයන් ඇතුළත් වන මෙරට වටිනාම සන්නාම 100 තුළ සෙලින්කෝ ලයිෆ් 28 වන වඩාත්ම වටිනා පාරිභෝගික සන්නාමය බවට පත්ව තිබේ.
ඒ අතරම, සෙලින්කෝ ලයිෆ් සන්නාමයට බ්රෑන්ඩ් ෆයිනෑන්ස් විසින් ලබාදුන් AA වර්ගීකරණය මේ වසරේදී AA+ දක්වා ඉහළ දමා තිබෙන අතර එයින් පිළිබිඹු වන්නේ ඉතාමත් අඩු ණය අවධානමක් සහ මූල්ය වගකීම් ඉටුකිරීමට ඉහළ හැකියාවක් තිබෙන බවයි.
සෙලින්කෝ ලයිෆ් සන්නාමයේ වටිනාකම සහ ශක්තිය වෙනුවෙන් ලැබුණු නවතම ඇගයීම පිළිබඳව අදහස් දක්වමින් සෙලින්කෝ ලයිෆ් සමාගමේ කළමනාකාර අධ්යක්ෂ සහ ප්රධාන විධායක නිලධාරී, තුෂාර රණසිංහ මහතා මෙසේ අදහස් දැක්වීය. ‘මිලියන ගණනක ජනයාගේ අනාගත අවධානම අවම කිරීමට කැපවන සමාගමක් ලෙස අපගේ සාර්ථකත්වය ශ්රී ලාංකිකයන් විසින් අප කෙරෙහි තබා ඇති විශ්වාසය මත රඳා පවතිනවා. නිරන්තරයෙන්ම ශ්රී ලංකාවේ ප්රමුඛතම සහ වඩාත්ම වටිනා ජීවිත රක්ෂණ සන්නාමය ලෙසින් වර්ගීකරණය වීම අපට ඉතාමත්ම වැදගත් වෙනවා. ඒ තුළින් වර්තමාන අභියෝගාත්මක කාලයකදී පවා අපගේ ශක්තිය විදහා දැක්වෙනවා.’
ශ්රී ලංකාවේ රක්ෂණ කර්මාන්තය සැලකීමේදී බ්රෑන්ඩ් ෆයිනෑන්ස් විසින් නිරීක්ෂණය කර තිබෙන්නේ සාමාන්ය රක්ෂණ සන්නාම වලට වඩා ජීවිත රක්ෂණ සන්නාම වැඩි වේගයකින් වර්ධනය වන බවයි. මේ අනුව, 2022 වසරේදී සමස්තයක් ලෙස ජීවිත රක්ෂණ සන්නාමවල වටිනාකම සියයට 9 කින් වර්ධනය වූ අතර සාමාන්ය රක්ෂණ සන්නාමවල වටිනාකම වර්ධනය වී තිබෙන්නේ සියයට 1 කින් පමණි. බ්රෑන්ඩ් ෆයිනෑන්ස් වාර්තා කර තිබෙන්නේ කොවිඩ්-19 වසංගත තත්ත්වය හේතුවෙන් ජීවිත ආරක්ෂාව පිළිබඳව ජනතාව වැඩි සැලකිල්ලක් දැක්වීම නිසා ජීවිත රක්ෂණ වාරික ආදායම් වර්ධනය වී තිබෙන බවයි.
-සටහන- චමින්ද මුණසිංහ
ආචාර්ය ඒ.සී. විශ්වලිංගම් සම්මානය රටට ලබා දීමෙන් බලාපොරොත්තු වන්නේ, රටට ජනතාවට සේවයක් කළ ඉංජිනේරුවන් හඳුනා ගැනීම බව ඉංජිනේරු ඒ.සී. විශ්වලිංගම් මහතා පැව
ජපානයේ හොන්ඩා මෝටර් රථ සමාගමට මෙම මූල්ය වර්ෂයේදී සියයට 2.8 ක මෙහෙයුම් ලාභයක් ලැබෙනු ඇති පුරෝකථනය කරයි.
වරැන් බෙවරේජස් ලංකා යනු ශ්රී ලංකාවේ ප්රමුඛ පෙළේ සිසිල් බීම නිෂ්පාදකයකු වන අතර, ඔවුන් එක්සත් ජනපදයෙන් පිටත PepsiCo හි විශාලතම සැපයුම්කරු වේ. ඔවුන් විසින්
මෝටර් රථ ක්ෂේත්රයේ ප්රමුඛතම සන්නාමයක් වන Toyota ලංකා (පෞද්ගලික) සමාගම විසින් දිවයින පුරා විසිරී සිටින සිය අලෙවි නියෝජිතයන්ගේ විශිෂ්ට සේවාව අගය කිරීම වෙ
ඇපල් සමාගම හෙට (07) පැසිෆික් වේලාවෙන් උදෑසන 7ට පැවැත්වෙන විනාඩි 35ක අතත්ය උත්සවයකට සහභාගී වීමට සියල්ලන්ටම ආරාධනා කළේය.
ආනවිලුන්දාව රැම්සාර් තෙත්බිම් හි, ස්වභාවික කඩොලාන ප්රතිස්ථාපනය කිරීමේ ව්යාපෘතිය සඳහා වනජීවී සංරක්ෂණ දෙපාර්තමේන්තුවේ (DWC) ප්රධාන පාර්ශවකරුවකු වන
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මෙරට වඩාත් වටිනා ජීවිත රක්ෂණ සන්නාමය සෙලින්කෝ ලයිෆ්