නව්‍යකරණය හා දැනුම හුවමාරුව ප්‍රවර්ධනය කිරීමේ අරමුණ පෙරදැරිව ප්‍රමුඛ පෙළේ විද්‍යාර්ථීන්, පර්‌යේෂණයන් සහ කර්මාන්ත ක්ෂේත්‍රයේ ප්‍රවීණයන් ඒකරාශී කරමින් බහුවිධ ක්ෂේත්‍ර සඳහා වන පර්‌යේෂණ පිළිබඳ ගෝලීය සම්මේලනය - 2025 (GCMR) සිනමන් ග්‍රෑන්ඞ් හෝටලයේදී පසුගියදා ආරම්භ කෙරිණි. 

මෙම අවස්ථාව අධ්‍යාපනික සහයෝගීතාවේ සහ දැනුමේ කැපී පෙනෙන සලකුණක් සනිටුහන් කළ අතර විද්‍යාර්තීන්, කර්මාන්ත ක්ෂේත්‍රයේ ප්‍රවීණයන් සහ විවිධ ක්ෂේත්‍රවල වෘත්තිකයන් ඒකරාශී කිරීම මෙහිදී සිදු විය. අධ්‍යයන පර්‌යේෂණවලදී ගෝලීය සහයෝගීතාව අවධාරණය කරමින් එක්සත් රාජධානියේ Wolverhampton විශ්ව විද්‍යාලයේ සම්භාවනීය නියෝජිත‍යන් සහ එක්සත් රාජධානියේ Pearson Education හි ප්‍රමුඛ නියෝජිතයන් විසින් මෙම අවස්ථාව වර්ණවත් කරන ලදී. 

ගුණාත්මක අධ්‍යාපනික පාඨමාලා පවත්වා ගෙනයාම සහ අනාගත නායකයන් බිහි කිරීමේ ලා දක්වන කැපවීම යන කාරණා සම්බන්ධයෙන් Achievers International Campus කීර්තියක් දරයි. ගෝලීය සහයෝගීතාව දිරි ගන්වමින් විවිධ ක්ෂේත්‍ර ඔස්සේ සිදු කරනු ලබන පර්‌යේෂණ සහ අධ්‍යාපනය කෙරෙහි දක්වන සහයෝගය සම්බන්ධයෙන් විශ්ව විද්‍යාලය දක්වන කැපවීම GCMR සම්මේලනයේදී ඉස්මතු කරන ලදී. Achievers International Campu හි මණිමාරන් මහේශ්වරන් මහතා අදහස් දක්වමින් මෙසේ පැවසීය.”‍ගෝලීය පර්‌යේෂණ සම්මේලනය මෙතරම් උත්කර්ෂවත් අන්දමින් ආරම්භ කිරීමට හැකි වීම පිළිබඳව අපි ඉතාමත් සතුටට පත් වෙමු. මෙම වේදිකාව තුළින් තහවුරු කරනුයේ ජාත්‍යන්තර හවුල්කාරිත්වය ඇති කිරීම සහ අධ්‍යාපනික විශිෂ්ටත්වය ප්‍රවර්ධනය කිරීමෙහි ලා අප දක්වන කැප වීමයි.”‍

උත්සවයේ ප්‍රධාන අංගයක් වූයේ පර්‌යේෂණ ප්‍රජාව වෙත සිදු කරන ලද වටිනා දායකත්වයන් සඳහා කීර්තිමත් මහාචාර්යවරුන් දෙපලක් වන මහාචාර්ය බණ්ඩාර වන්නිනායක සහ මහාචාර්ය නිශාන්ත සම්පත් පුංචිහේවා ඇගයීමට ලක් කිරීමයි. සම්මේලනයේ නල වෙබ් අඩවිය ආරම්භ කිරීමද මෙහිදී සිදු විය.