ඕලන්ද යුගයේ දී ‘අවුද් ස්ටාද්’ යනුවෙන් හැඳින්වූ පෙදෙස බ්‍රිතාන්‍ය යුගයේ දී pettah නමින් හැඳින්විණි. කොළඹ නගරයේ කාර්යබහුලම තැන පිටකොටුව බව අමුතුවෙන් කිවයුතු නැත. පිටකොටුව වෙළෙඳ නගරයට දහවල් කාලයේ පිවිසෙන ඔබට එහි ඇවිදයාමට සිදු වන්නේ දැඩි අපහසුවකිනි. එයට හේතුවන්නේ වීදී පුරා පිරී ඉතිරී යන සෙනග හේතුවෙනි. පිටකොටුව වෙළෙඳපොළේ එළිමහන් කඩසාප්පු සහ වෙළෙඳපොළ මාලාවකි. එය තොග සහ සිල්ලර වෙළෙඳසල්, ගොඩනැගිලි, වාණිජ ආයතන සහ අනෙකුත් සංවිධාන විශාල ප්‍රමාණයක් පිහිටා ඇති ශ්‍රී ලංකාවේ කාර්යබහුලම වාණිජ ප්‍රදේශයයි. මේ දිනවල වෙළෙඳාමේ තතු සොයා බැලීමට අප ගොඩ වුයේ පිටකොටුවේ මල්වත්ත පාරේ මාර්ක්ස් එන්ටර්ප්‍රයිසස් වෙළෙඳසල වෙතයි. එහි හිමිකරු වූ බී. සන්දිරන් මහතා අප හා අදහස් බෙදා ගත්තේ මෙලෙසිනි. 

Q මේ දිනවල බිස්නස් කොහොමද?

අපි විකුණන්නේ ඉලෙට්‍රොනික භාණ්ඩ. නිවසකට අවශ්‍යකරන සියල්ලම ඉලෙක්ට්‍රොනික භාණ්ඩ අපි ළඟ තියනවා. මේ දිනවල බිස්නස් ගැන කතා කරනවා නම් බිස්නස්වල ලොකු ප්‍රවණතාවක් නෑ. සාමාන්‍ය මට්ටමේන් තමයි බිස්නස් තියෙන්නේ. කලින් එදිනෙදා තිබ්බ බිස්නස් ප්‍රමාණය අඩු වෙලා තියෙන්නෙ. 

Q බිස්නස් අඩුවීමට බලපෑ හේතු මොනවාද?    

පිටකොටුව කියන්නේ සෙනග ගැවසෙන තැනක්. සමහර දිනවලට පාරේ එහෙ මෙහෙ යන්නත් බැරි තරම් සෙනග. එහෙත් මේ දිනවල මිනිස්සු ගැවසෙනවා හරිම අඩුයි. මේ කාලය ඕෆ් සීසන් එකක් විම සෙනග අඩු වෙන්න එක හේතුවක්. ඒ නිසා අපිට බිස්නස් අඩුයි. බිස්නස් අඩු වෙන්න මිල ගණන් බලපාන්නේ නෑ. මොකද මිල ගණන් නම් බොහොම සමාන්‍යයි. පහසු මිල ගණන් යටතේ ඉලෙක්ට්‍රික් භාණ්ඩ තියෙන්නේ. එහෙත් මේ පවතින ආර්ථික මට්ට්ම අනුව බලද්දි භාණ්ඩ මිල ගණන් අඩු වුණත් එකවර මුදල් ගෙවා භාණ්ඩ මිලදී ගැනීමේ හැකියාවක් පාරිභෝගිකයන්ට නෑ. ගොඩක් පාරිභෝගිකයෝ අහන්නේ පහසු ගෙවීමේ ක්‍රමයට ගෙවන්න දෙනවද කියලා. ඕක තමයි මේ දවස්වල බිස්නස් තත්වය.

ශෂිකා අබේරත්න
ඡායාරූප-ඉසුරු පෙරේරා