2025 දෙසැම්බර් මස 27 වන සෙනසුරාදා
ණය මුදල ගෙවීමට ශ්රී ලංකාවට 2028 වසර දක්වා සහන කාලයක්
ද්වී පාර්ශ්වික ණය ප්රතිව්යුහගත කිරීමේ ගිවිසුම මෙරට ණය තිරසරභාවය නැවත ඇතිකිරීමට වැදගත් පියවරක්
ආර්ථිකය නැවත යථා තත්වයට පත් කිරීම සඳහා අවශ්ය ආයෝජක විශ්වාසය ගොඩ නැගීමටද සහායක්
විමුක්ති එස් රුද්රිගු
ශ්රී ලංකාව සහ නිල ණය හිමියන්ගේ කමිටුව පසුගිය වසරේ ජූනි මාසයේදී එකඟ වූ ණය ප්රතිව්යූහගත කිරීමේ කොන්දේසිවල අනුව ශ්රී ලංකාව සහ එක්සත් රාජධානිය ද්වී පාර්ශ්වික ණය ප්රතිව්යූහගත කිරීමේ ගිවිසුමට අත්සන් තැබූ බවත්, ඒ අනුව ලබාගත් ණය මුදල සඳහා පොලී ගෙවීම වහාම ශ්රී ලංකාව නැවත ආරම්භ කරනු ඇති බවත්, මෙරට බ්රිතාන්ය මහ කොමසාරිස් කාර්යාලය නිවේදනයක් නිකුත් කරමින් පසුගියදා ප්රකාශ කළේය.
එහිදී එක්සත් රාජධානියෙන් ලබාගෙන ඇති ණය මුදල ගෙවීමට ශ්රී ලංකාවට 2028 වසර දක්වා සහන කාලයක් හිමිවනු ඇති බවද මහ කොමසාරිස් කාර්යාලය පැවැසුවේය.
එක්සත් රාජධානිය සහ මෙරට මුදල් අමාත්යාංශය ඇතිකර ගත් ගිවිසුමට එක්සත් රාජධානිය වෙනුවෙන් මෙරට බ්රිතාන්ය මහ කොමසාරිස් ඇන්ඩෲ පැට්රික් මහතා අත්සන් තැබූ බවත්, මුදල් අමාත්යාංශය වෙනුවෙන් මුදල් ලේකම් ආචාර්ය හර්ෂණ සූරියප්පෙරුම මහතා අත්සන් තැබූ බවත් බ්රිතාන්ය මහ කොමසාරිස් කාර්යාලය ප්රකාශ කළේය.
එක්සත් රාජධානිය සහ පැරිස් ක්ලබ් ණය හිමියන්ද ඇතුළත් ප්රංශය, ඉන්දියාව සහ ජපානයේ සම සභාපතීත්වයෙන් රැස්වුණු මෙරට නිල ණය හිමියන්ගේ කමිටුව පසුගිය වසරේ ජූනි මාසයේදී ශ්රී ලංකාව සමග එළැඹි ණය ප්රතිව්යූහගත කිරීමේ ගිවිසුමේ කොන්දේසි ප්රකාරව ද්වී පාර්ශ්වික ණය ප්රතිව්යූහගත කිරීමේ ගිවිසුම අත්සන් තැබුණු බව බ්රිතාන්ය මහ කොමසාරිස් කාර්යාලය පැවැසුවේය.
ණය ප්රතිව්යුහගත කිරීමේ ගිවිසුම අත්සන් තැබීමෙන් පසුව අදහස් දක්වමින් බ්රිතාන්ය මහ කොමසාරිස් ඇන්ඩෲ පැට්රික් මහතා ප්රකාශ කර සිටියේ, ශ්රී ලංකාව සහ එක්සත් රාජධානිය අතර අත්සන් තැබුණු ද්වීපාර්ශ්වික ණය ප්රතිව්යුහගත කිරීමේ ගිවිසුම මෙරට ණය තිරසරභාවය නැවත ඇතිකිරීම සඳහා වැදගත් පියවරක් බවත්, ගිවිසුමට අත්සන් තැබීම සම්බන්ධයෙන් සතුටට පත්වන බවත්ය.
එසේම අත්සන් තැබුණු ණය ප්රතිව්යූහගත කිරීමේ ගිවිසුම මෙරට ආර්ථිකය නැවත යථා තත්වයට පත් කිරීම සඳහා අවශ්ය ආයෝජක විශ්වාසය ගොඩ නැගීමටද සහායක් වනු ඇතැයි බ්රිතාන්ය මහ කොමසාරිස්වරයා පැවැසුවේය.
ගිවිසුමට අනුව ශ්රී ලංකාව වහාම ලබාගෙන ඇති ණය සඳහා පොලී වාරික එක්සත් රාජධානි මූල්ය කාර්යාලයට ගෙවනු ඇති බවත්, ණය මුදල ගෙවීම සඳහා 2028 තෙක් සහන කාලයක් හිමිවන බවත් පැට්රික් මහතා ප්රකාශ කළේය. පළමු පොලී වාරිකය ගෙවීම ආරම්භ කිරීමත් සමග එක්සත් රාජධානි මූල්ය කාර්යාලය ශ්රී ලංකාවේ ස්ථාවරය නැවත ඇස්තමේන්තු කරනු ඇති බවද ඔහු පැවැසුවේය.
ශ්රී ලංකාව සහ එක්සත් රාජධානිය ද්වීපාර්ශ්වික ණය ප්රතිව්යූහගත කිරීමේ ගිවිසුමට අත්සන් තැබීමත් සමග මෙරට ණය තිරසරභාවය නැවත ඇතිවන බවත්, ඒ සමග ශ්රී ලංකාවට ජාත්යන්තර ආයෝජන සඳහා නැවත වරක් ප්රවේශය හිමිවනු ඇති බවත් ඔහු ප්රකාශ කළේය.
2025 දෙසැම්බර් මස 18
572
2
ශ්රී ලංකාවේ අංක 1 සන්නිවේදන සම්පාදකයා වන ඩයලොග් ආසිආටා පීඑල්සී, මෙරට ඩිජිටල් තාක්ෂණික ගමන්මගේ සුවිශේෂී සන්ධිස්ථානයක් සනිටුහන් කරමින්, 5G යුගයක් සඳහා
2025 දෙසැම්බර් මස 16
284
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
2025 දෙසැම්බර් මස 04
1085
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
බ්රිතාන්ය - ශ්රී ලංකා ද්වීපාර්ශ්වික ණය ප්රතිව්යුහගත කෙරේ