මාලබේ යූ.ටී.එන් ට්‍රේඩින් කම්පැනි වෙළෙඳ ආයතනයේ ව්‍යාපාරික එම්.එම්.එම් සලීම්

බිස්නස් යනු කාලයෙන් කාලයට ඉහළ පහළ ගමන් කරන්නකි.  විවිධ වූ හේතු මත බිස්නස් අඩු වන අවස්ථාද බිස්නස් වැඩිවන අවස්ථාද පවතී. මේ දිනවල බිස්නස්වල තතු සොයා බැලීමට මාලබේ වෙළෙඳ නගරයට පිවිසුණු අවස්ථාවේ අප ගොඩවැදුණේ යූ.ටී.එන් ට්‍රේඩින් කම්පැනි වෙළෙඳ ආයතනය වෙතටයි. එහිදී එහි ව්‍යාපරික එම්.එම්.එම් සලීම් මහතා මේ දිනවල බිස්නස් සම්බන්ධයෙන් දැක්වූයේ මෙවන් අදහසකි.

Q මේ දිනවල බිස්නස් කොහොමද?

අපි අලෙවි කරන්නේ හාර්ඩ්වෙයාර් බඩු සහ ඉලෙක්ට්‍රික් බඩු. මේ බිස්නස් එක පටන් අරන් වසර 5 ක් වගේ වෙනවා. සේවකයෝ 7 දෙනෙක් ඉන්නවා. මේ දිනවල බිස්නස් ගැන කතා කරද්දි බිස්නස් සාමාන්‍ය පරිදි කෙරීගෙන යනවා. බිස්නස්වල අඩුවක් නෑ. සතියක් ගත්තාම දින 7න් දින 5ක හොඳට බිස්නස් තිබ්බොත් දින 2ක් බිස්නස් නෑ. ඕක තමයි බිස්නස් වල ස්වාභාවය.

Q බිස්නස් අඩුවීමට හෝ වැඩිවීමට බලපෑ හේතු මොනවාද?

සාමාන්‍යයෙන් බිස්නස් කියන්නේ නිරන්තරයෙන් අඩු වැඩි වෙන දෙයක්. කාලයෙන් කාලයට බිස්නස් වලින් ලාබ වගේම පාඩුත් ලබන්න සිදු වෙනවා. සමහර බිස්නස් තියනවා උත්සව සමයත් එක්ක බිස්නස් වැඩි වෙන. ඕක තමයි බිස්නස්වල ස්වාභාවය. 

අපේ බිස්නස් ගත්තාම බිස්නස් සීසන් කියලා දෙයක් නෑ. ඉදිකිරීම් ක්ෂේත්‍රයට අවශ්‍ය භාණ්ඩ තමයි අලෙවි කරන්නේ. පසුගිය කොරෝනා සමයත් එක්ක ඉදිකිරීම් ක්ෂේත්‍රය කඩා වැටුණා. ඒ කාලෙනම් බිස්නස් අඩු වුණා. එහෙත් වර්තමානය වනවිට නැවත ඉදිකිරීම් ක්ෂේත්‍රය යථා තත්වයට පත් වෙලා තියෙන්නේ. ඒ නිසා බිස්නස් තියනවා. මිල ගණනුත් කාලයෙන් කාලයට අඩු වැඩි වෙනවා. මිල ගණන් වැඩි වුණත් ඉදිකිරීම් සඳහා අවශ්‍ය භාණ්ඩ මිලදී ගැනීමට පාරිභෝගිකයන්ට සිදු වෙනවා. 

ශෂිකා අබේරත්න
ඡායාරූප-ගයාන් අමරසේකර