භානුක අමරසිංහ 

කොළඹ කොටස් හුවමාරුවේ ලැයිස්තුගත හෝටල් සමාගමක් වන පෙගසස් හොටේල්ස් ඔෆ් සිලෝන් පීඑල්සී සමාගම සිය පූර්ණ හිමිකාරීත්වය පැවැති Equity Hotels Limited (EHL) හි එම හිමිකාරීත්වය අලෙවි කළ බව පවසයි.

පසුගිය මාර්තු 28 වැනිදා මෙම අලෙවි කිරිම සිදුව තිබේ. ඒ අනුව එම සමාගමේ සාමාන්‍ය කොටස් 2,173,341ක් (සියයට 99.99ක්) අලෙවි කළ බව සමාගම සඳහන් කරයි. 

සමාගම අනාවරණය කරන ආකාරයට  Lavendish Leisure Hotels and Resorts  සමාගම එම හෝටලය මිලදී ගත් ගැනුම්කරුවාය. මෙහිදී රුපියල් 243,464,041ක මුදලකට මෙම ගනුදෙනුව සිදුව තිබේ. මෙම Lavendish Leisure Hotels and Resorts සමාගම මෙරට සුප්‍රසිද්ධ දැඩිගම සමූහයට අයත් සමාගමකි.

පසුගිය වසරේ මැයි මාසයේදී බ්‍රිතාන්‍යය හෝටලයක් මිලදී ගැනීමටද දැඩිගම සමූහය කටයුතු කළේය. එය එම සමාගම එරටදී මිලදී ගත් දෙවැනි හෝටලයද වෙයි.