( තිළිණි ද සිල්වා )

කොවිඩ් ආසාදිතයන්  පිරිසක් සොයා ගැනීමත් සමග වසා දමා තිබූ කොළඹ  නැව් තටාකාංගනය නැවත  විවෘත කිරීමට එම සමාගම් පාලනාධිකාරිය  පියවර ගෙන ඇත. 
 

විෂබීජහරණයට ලක්කිරීමෙන් අනතුරුව දැඩි සෞඛ්‍යාරක්ෂිත ක්‍රමවේද අනුගමනය කරමින් එම ආයතනයේ කටයුතු නැවත ආරම්භ කළ බවද  එම සමාගම නිවේදනයක් නිකුත් කරමින් කියා සිටී.

කොළඹ නැව් තටාකාංගනයෙන් ආසාදිතයින් කිහිප දෙනෙක් පසුගියදා හඳුනා ගැණුනු අතර ඉන්පසුව වසා දමා තිබූ එය  රජයේ සෞඛ්‍ය නිර් දේශ අනුව ආයතනයේ නිෂ්පාදන මෙහෙයුම් යළි  මෙලෙස ආරම්භ කර තිබෙන බව සදහන්වේ.

අත්‍යාවශ්‍ය රාජකාරීන් සඳහා දායකවන ආයතනයේ සේවකයින් සඳහා හෝටල්වල විශේෂ ක්‍රමවේදයක් යටතේ නවාතැන් සැපයෙන අතර සෞඛ්‍යාරක්ෂාව තහවුරු කරමින් සේවකයින්ගේ ප්‍රවාහනය සිදුකරනු ලබන බව ද එම ආයතනය වැඩිදුරටත් සඳහන් කරයි.

එසේම එම ආයතනය තුළ මේවන විට සේවකයින් 2000 කට පී.සී.ආර් පරීක්ෂණ සිදු කිරීමටද එම පාලනාධිකාරිය පියවර ගෙන ඇත.