ජ්‍යෙෂ්ට පුරවැසියන්, සුවය ලබමින් සිටින රෝගීන්, සුව පහසු රැකවරණයක් බලාපොරොත්තු වන පුද්ගලයන් සඳහා වෙන් වූ මෙරට පළමු සුවතා මධ්‍යස්ථානය වන Grand Leisure Care and Wellness Resort  අංක 7, පළඟතුරේ නැගෙනහිර, කොච්චිකඬේ, මීගමුව ලිපිනයේදී විවෘත විය. 
ආගන්තුක සත්කාර, සෞඛ්‍යාරක්ෂාව, මානසික සුවතාව වෙනුවෙන් කැප වූ එම ආයතනයට දැනටමත් ඇත්තේ විශාල ඉල්ලු‍මකි. “මෙය හුදෙක් වැඩිහිටි නිවාසයක් නොවෙයි; වෘත්තීය මට්ටමේ රැකවරණයක් සමග අභිමානය, නිදහස සහ සතුට පිරුණු පරිසරයක සුව පහසු ජීවිතයක් ගත කිරීමට බලාපොරොත්තු වන ජ්‍යෙෂ්ට පුරවැසියන් සඳහාම වෙන් වූ පාරාදීසයක්.” එහි ප්‍රකාශකයෙක් පැවසීය. 
එකිනෙකට වෙනස් අවශ්‍යතා සහ මූල්‍ය හැකියාවලට ගැළපෙන පරිදි නවාතැන් කාණ්ඩ රැසක් හඳුන්වා දී ඇත. තනිව හෝ පවුලේ සාමාජිකයන් සමග නිදහසේ ජීවත් වීමට බලාපොරොත්තු වන ජ්‍යෙෂ්ට පුරවැසියන් හෝ යුවල සඳහා ගැළපෙන විශාල ප්‍රමාණයේ පෞද්ගලික ඒකක, තනි කාමර, දෙදෙනකුට නවාතැන් ගත හැකි කාමර, කිහිප දෙනකුට නවාතැන් ගත හැකි ඒකක ඒ අතර වේ. වායුසමීකරණ, ස්මාට් රූපවාහිනී, වයි ෆයි, අභ්‍යන්තර නාන කාමර සහ පැය 24 පුරා ක්‍රියාත්මක හදිසි දුරකතන පද්ධති ඇතුළු පහසුකම් සමග සුව පහසු ජීවිතයක් අත්විඳිය හැකිය. අවශ්‍ය නම් වෛද්‍ය ඇඳන් සහ පැය 24 පුරා ක්‍රියාත්මක වෛද්‍ය සේවාද ගත හැකිය. නවාතැන්, ආහාර පාන, සුවතා පරීක්ෂණ, පෞද්ගලික රැකවරණය වැනි සියලු‍ පහසුකම්වලින් සමන්විත සම්පූර්ණ පැකේජයක් සඳහා ගෙවිය යුතු මාසික ගාස්තුව රුපියල් 95,000ක් (ආසන්න වශයෙන් ඩොලර් 315ක්) පමණ වේ. සම්පූර්ණ පැකේජය සඳහා ජ්‍යෙෂ්ට පුරවැසියන්ට සහ විශ්‍රාමිකයන්ට සියයට 40ක සුවිශේෂ වට්ටමක්ද හඳුන්වා දී ඇත.