DIMO සමාගම ශ්‍රී ලංකාවේ ප්‍රථම ජාත්‍යන්තර ක්‍රිකට් කවුන්සිලය (ICC) ප්‍රමිතිවලට අනුකූල වූ LED floodlighting පද්ධති සවි කිරීම අන්තර්ජාතික ක්‍රිකට් ක්‍රීඩාංගණ දෙකක් වන රංගිරි දඹුල්ල ජාත්‍යන්තර ක්‍රිකට් ක්‍රීඩාංගණය සහ ආර්. ප්‍රේමදාස ජාත්‍යන්තර ක්‍රීඩාංගණයේ සාර්ථකව අවසන් කර ඇත. මෙහිදී රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේ සවිකිරීමේ කටයුතු 2023 දී සිදුකළ අතර, කොළඹ ආර්. ප්‍රේමදාස ජාත්‍යන්තර ක්‍රීඩාංගණයේ නව floodlight පද්ධතිය 2025 දී සම්පූර්ණ කිරීමට DIMO ආයතනය සමත් විය.

DIMO සමාගම 1980 දශකයේ දී ආර්. ප්‍රේමදාස ජාත්‍යන්තර ක්‍රීඩාංගණයේ floodlight පද්ධතිය සවි කිරීමත් සමග එම ක්‍රීඩාංගණය ලෝකයේ දෙවැනි floodlight පද්ධතියක් සහිත ක්‍රීඩාංගණය බවට පත් විය. 

ජාත්‍යන්තර වශයෙන් ක්‍රීඩාංගණ LED ආලෝක පද්ධති වෙත යොමුවන අතර, ICC ආයතනය ද පැරණි ආලෝක පද්ධති වෙනුවට නවතම තාක්ෂණයෙන් යුත් LED floodlighting පද්ධති සඳහා අවධානය යොමුකිරීමේ ප්‍රතිඵලයක් ලෙස මෙම නවතම ආලෝක පද්ධති ස්ථාපිත කිරීම හැඳින්විය හැකිය.

ICC නියමිත ප්‍රමිතීන්ට අනුකූලව ස්ථාපිත කර ඇති මෙම LED ආලෝක පද්ධති, දිවා රාත්‍රී තරග සහ රූපවාහිනී විකාශන සඳහා අවශ්‍ය ආලෝකන හැකියාව සහතික කරයි. ඒ මගින් 4K සහ 8K විකාශන සඳහා සුදුසුම තත්වය සපයන අතර, ක්‍රීඩාංගණයේ සිටින මෙන්ම රුපවාහිනී තුළින් නරඹන ප්‍රේක්ෂකයන්ට නව්‍ය වූ අත්දැකීමක් ලබා දේ. Slow-motion replays සහ Decision Review System (DRS), වැනි අතිරේක තාක්ෂණික පහසුකම් ද වර්ධනය කරමින් හොඳ ආලෝකකරණයකින් ක්‍රීඩක ආරක්ෂාව ද තහවුරු කරයි.

LED floodlighting පද්ධති, සම්ප්‍රදායික පද්ධති සමග සංසන්දනය කළ විට, අඩු විදුලි පරිභෝජනය, දිගු ආයු කාලය, අඩු උෂ්ණත්වය සහ නඩත්තු වියදම් අඩුවීම වැනි විශේෂාංග සඳහන් කළ හැක. එසේම මෙහිදී පරිසරයට හානි කරන ද්‍රව්‍ය නොමැති බැවින්, තවදුරටත් පරිසර හිතකාමී විසඳුමක් ලෙස සැලකේ.

ආර්. ප්‍රේමදාස ක්‍රීඩාංගණයේ නව floodlighting පද්ධතිය සවි කිරීමේදී 660 LED floodlight එකතුවක් ප්‍රධාන ක්‍රීඩා භූමිය සඳහා සහ 72ක් පුහුණු කටයුතු සඳහා ද සවි කරන ලදී. දඹුල්ල ක්‍රීඩාංගණ ව්‍යාපෘතියේදී කේබල් එළීම මීටර 1100ක කලාපයක් ආවරණය කරමින් ක්‍රීඩාංගණය වටා සිදු වූ අතර මීටර 52800ක කේබල් එළීමක් කුලු‍නු සඳහා සිදු කරන ලදී.