මෙරට ඉදි කිරීම් ක්ෂේත්‍රයේ ප්‍රමුඛයකු වන CEEDECS Lanka Holdings  පෞද්ගලික සමාගම ජාතික කර්මාන්ත සන්නාම විශිෂ්ටතා සම්මාන උළෙලේදී ඛණිජ සහ ඒ ආශ්‍රිත කර්මාන්ත අංශයේ විශිෂ්ටම ජාතික කර්මාන්ත සන්නාමය ලෙස සම්මාන ලැබුවේය. කාර්මික සංවර්ධන මණ්ඩලය සංවිධානය කළ සම්මාන උළෙලේදී සමාගමේ නවතම නිෂ්පාදනය වන Harithaweli Ready Mix අගයමින් එම සම්මානය පිරිනමන ලදී. 

1999දී ආරම්භ වී 2016දී සංස්ථාපිත ආයතනයක් වූ  CEEDECS Lanka Holdings  දශක දෙකකට වැඩි කාලයක් පුරා ඉදි කිරීම්, උපදේශන, ගෘහ නිර්මාණ සහ අභ්‍යන්තර නිර්මාණ සේවා සපයා ඇත. මහර පිහිටා ඇති එම සමාගම රට පුරා විහිදී ඇති නේවාසික සහ වාණිජමය ව්‍යාපෘති රැසකට සේවා සපයයි.

CEEDECS Lanka Holdings  පසුගිය කාලය පුරා පරිසර හිතකාමී නවෝත්පාදන පිළිබඳව ප්‍රමුඛ අවධානයක් යොමු කර ඇත. එම දැක්ම යටතේ වෙළෙඳපොළට හඳුන්වා දුන් Harithaweli Ready Mix  ගංගා සහ මුහුදු වැලි අඩංගු නොවන පරිසර හිතකාමී කපරාරු සහ ඉදි කිරීම් මිශ්‍රණ සන්නාමයකි. සාධාරණ මිලට විවිධ වර්ණවලින් ගත හැකි එම නිෂ්පාදන භාවිතයට පහසු අතර කල් පැවැත්මෙන් ඉහළය. ස්වාභාවික නිමාවක් දෙන එම නිෂ්පාදනවලට ඉදි කිරීම් ශිල්පීන්ගෙන් සහ මහා පරිමාණ කොන්ත්‍රාත්කරුවන්ගෙන් ඇත්තේ විශාල ඉල්ලු‍මකි. එම සමාගමේ පුළුල් පරාසයක විහිදී ඇති නිෂ්පාදන අතර Ready-Mix  ප්ලාස්ටර් (අළු සහ සුදු), Water Proof ප්ලාස්ටර්, බි්‍රක් බොන්ඞ් බ්ලොක්, මැටියෙන් නිෂ්පාදිත පොටි, ටෙරාසෝ මිශ්‍රණ, ටයිල් අලවන, ටයිල් මෝටාර්, බිම සහ බිත්ති සඳහා යොදා ගන්නා ටයිටෙනියෙම්, වෝ ල් පොටි, ජල කාන්දුවීම් විසඳුම් ප්‍රධාන වේ. උසස් තත්ත්වයේ අමුද්‍රව්‍යවලින් නිපදවන ඒ සියලු‍ නිෂ්පාදන දැඩි තත්ත්ව පරීක්ෂාවලට ලක් කෙරේ. CEEDECS Lanka Holdings දේශීය සහ ජාත්‍යන්තර තත්ව සහතික රැසක් ලබා ඇත. කඩවත, ත්‍රිකුණාමලය, මීගමුව, හැටන්, මන්නාරම ඇතුළු ප්‍රදේශ 21ක ඔවුන්ට අයත් අලෙවිසැල් පිහිටා තිබේ.