භානුක අමරසිංහ 

ශ්‍රී ලංකා අපනයන සංවර්ධන මණ්ඩලය (EDB) විසින් 27 වැනි වරට සංවිධානය කරනු ලබන ජනාධිපති අපනයන සම්මාන උළෙල අයැදුම්පත් කැඳවෙන බව එම මණ්ඩලය නිවේදනය කරයි. මෙවරත් මාර්ගගතව අයැදුම්පත් යොමුකිරීමට අපනයන සමාගම්වලට අවස්ථාව ලබා දී ඇති අතර, https://pea.edb.gov.lk වෙබ් අඩවියට පිවිසීමෙන් මෙම අයැදුම්පත් යොමුකළ හැකියි. 

ජනාධිපති අනුර කුමාර දිසානායක මහතාගේ ප්‍රධානත්වයෙන් ලබන දෙසැම්බර් මාසයේදී බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී මෙම සම්මාන උළෙල පැවැත්වීමට කටයුතු යොදා තිබේ.

අපනයන ක්ෂේත්‍රයට සහ ආර්ථික ප්‍රගමනයට සුවිශේෂී දායකත්වයක් ලබාදුන් ශ්‍රී ලාංකික අපනයනකරුවන් වෙත ජනාධිපතිතුමන් විසින් පිරිනමනු ලබන උසස්ම සම්මානය, ජනාධිපති අපනයන සම්මානය බව එම මණ්ඩලය පවසයි. 1981 වර්ෂයේ දී ආරම්භ කරන ලද මෙම ජනාධිපති අපනයන සම්මාන ප්‍රදාන වැඩසටහන යටතේ මේ දක්වා සම්මාන උළෙල 26 ක් සංවිධානය කර ඇත.