සියැට් කැලණි හෝල්ඩිංග්ස් සමාගම, ලංකා ජාතික කර්මාන්ත මණ්ඩලය ^CNCI& වෙතින් පිරිනමන 2025 CNCI Achiever සම්මාන උළෙලේ දී කීර්තිමත් සම්මාන දෙකකින් පිදුම් ලැබීය. 
‘අති විශාල නිෂ්පාදන අංශය’ යටතේ තරඟ කළ සමාගමට එහි මූල්‍ය ශක්තිය, අගය එකතු කිරීම, ඵලදායීතාව, නව්‍යෝත්පාදනය, තත්වය සහතික කිරීම්, පාරිසරික වගකීම සහ සමාජයීය කැපවීම ඇතුළු කාර්මික කාර්ය සාධනයේ බහුවිධ මානයන් හරහා විශිෂ්ටත්වය අගයන ජාතික රිදී සම්මානය සහ සමස්තයක් ලෙස ඉහළම සමාගම් 10 සඳහා වන සම්මානය හිමි විය.
කාර්මික විශිෂ්ටත්වය අගයන ශ්‍රී ලංකාවේ වඩාත්ම ගෞරවනීය අවස්ථාවක් වන CNCI Achiever සම්මාන උළෙල තුළ ප්‍රධාන මෙහෙයුම් අංශ 12 කටත් වඩා ආවරණය කරන දැඩි නිර්ණායක මත සමාගම් ඇගයීමට ලක් කරයි. එහි 2025 සංස්කරණයේ දී සියැට් කැලණි දිනාගත් සාර්ථකත්වය මගින් අඛණ්ඩව වර්ධනය වීමේ මාවතේ සමාගමේ තවත් සංධිස්ථානයක් සනිටුහන් කරයි. 2013 දී හා 2024 දී CNCI ද සමාගම මෙවැනි සම්මාන දිනා ගත්තේය.
මෙම ජයග්‍රහණය පිළිබඳව අදහස් දක්වමින් සියැට් කැලණි හෝල්ඩිංග්ස් හි ප්‍රධාන මෙහෙයුම් නිලධාරී ෂමල් ගුණවර්ධන මහතා මෙසේ පැවසීය: “නිෂ්පාදන විශිෂ්ටත්වය, නවෝත්පාදනය සහ තිරසාරභාවය වෙනුවෙන් අපගේ කණ්ඩායම් දක්වන සාමූහික කැපවීම මෙම සම්මාන මගින් පිළිබිඹු වේ. නිෂ්පාදන සැලසුම්කරණයේ සිට බෙදාහැරීම දක්වා වන සියැට් කැලණි හි සෑම ක්‍රියාවලියක්ම මෙහෙයවන්නේ අපගේ ගුණාත්මකභාවය පදනම් කරගත් කළමනාකරණ දර්ශනය, සහ අපගේ ගනුදෙනුකරුවන්, සේවකයන් සහ පරිසරය කෙරෙහි අප තුළ ඇති ගැඹුරු හැඟීම මගිනි.”
මෙම වසරේ දී CNCI Achiever සම්මාන උළෙලේ දී මෙලෙස ඇගයීමට ලක්වීම සඳහා ප්‍රධාන ක්ෂේත්‍ර කිහිපයක දී ම සමාගම පෙන්වූ කාර්යසාධනය ඉවහල් විය. සියැට් කැලණි සමාගම විසින් Fitchශ්‍රේණිගත කිරීම මගින් ද ඇගයීමට ලක් වූ ශක්තිමත් මූල්‍ය තත්වයක් පවත්වාගෙන යයි. අඛණ්ඩව සිව්වන වසරටත් ‘AA+(lka)/Stable’ යන දිගුකාලීන ජාතික ශ්‍රේණිගත කිරීම සමඟ 2025 මූල්‍ය වර්ෂයේ දී සියැට් කැලණි විකුණුම් පරිමාවේ සියයට 18 ක වැඩි වීමක් සහ 2028 මූල්‍ය වර්ෂය දක්වා සියයට 10 ක සංයුක්ත වාර්ෂික වර්ධන වේගයක් CAGR) ද පුරෝකථනය කර ඇත.