2025 ජනවාරි මස 22 වන බදාදා
(නිමල කොඩිතුවක්කු)
තරඟකාරී ආර්ථිකයක් ඇති කිරීමේදී සමාජ අසාධාරණ සිදුවීම ජයගත යුතු විශාලතම අභියෝගය බවට පත්ව ඇතැයි අග්රාමාත්ය රනිල් වික්රමසිංහ මහතා කොළඹදී පැවැසීය.
එබැවින් තරඟකාරී ආර්ථිකයක් සමඟ සමාජ සේවා කටයුතු වෙනුවෙන්ද රජය විශාල අවධානයක් යොමුකර ඇතැයිද අග්රාමාත්යවරයා වැඩිදුරටත් කීය.
අග්රාමාත්ය රනිල් වික්රමසිංහ මහතා මේ බව පැවසුවේ බණ්ඩාරණායක අනුස්මරණ ජාත්යන්තර සම්මන්ත්රණ ශාලාවේ අද(22) පැවති ජාතික සමාජ සංවර්ධන ආයතනයේ උපාධි සහ ඩිප්ලොමා ප්රදානෝත්සවයට එක්වෙමිනි.
එහිදී වැඩිදුරටත් අදහස් දැක්වූ අග්රාමාත්ය රනිල් වික්රමසිංහ මහතා මෙසේද කීය.
‘‘ සමාජය දියුණු වෙන්න දියුණු වෙන්න සමාජයේ එක් එක් අංශයට සහයෝගය, උපදෙස් සහ සත්කාර අවශ්යයි. කවුද ඒක ලබා දෙන්නේ කියන ගැටලුව දැන් තියෙනවා. පැරණි ලංකාවේ ඒ පිළිබඳව සොයා බලන්න පවුල් ජාලය කියන වැඩසටහනක් තිබුණා. පවුලේ ඔක්කොම එකට හිටියා. කවුරු හරි අනෙක් කෙනාව බලා ගත්තා. දැන් පවුල් ජාලය නැහැ. එක්කෙනෙක් ඩුබායිවල, අනික් කෙනා කොරියාවේ. කවුද මේවා බලාගන්නේ.
මේ හැම කෙනාටම ඉස්සෙල්ලම තියෙන්නේ තමන්ගේ දරුවන් ගැන බලා ගන්නයි. ටියුෂන් පන්තිවලට යවන්න, වෙනත් නැටුම් පන්තිවලට යවන්න, තමන්ගේ ආහාරවේල බලා ගන්න තියෙනවා. වෙන එකක් තියා දැන් දවල්ට එළියෙන් කනවා.
මේ ක්රමවේදය ඉස්සෙල්ලා උසස් පන්තිවල තිබුණා. ඒක දැන් සෑම සමාජ කණ්ඩායමකටම පැතිර යනවා. මේ කණ්ඩායම පිළිබඳව අපේ අවධානය වැඩි වෙන්න, වැඩි වෙන්න ඒ සඳහා විශේෂඥ දැනුම අවශ්යයි.
අපේ ණය ගෙවන්න ආණ්ඩුවක් විදියට අපි විශාල මුදලක් යොදවන්න තිබෙනවා. මේ ණය ගෙවන්න බැරි තත්වයක තිබුණේ. ඒ ණය ගෙවන්න පුළුවන් තත්වයක් තිබුණා නම් එදා 2014දි ජනාධිපතිවරණය තියන්නේ නැහැ.
අපි මේ වසරේදී පමණක් ඩොලර් මිලියන 5,900ක් ගෙවන්න ඕන. අපේ ආදායමේ විශාල කොටසක් එතෙන්ට ගිහින් තියෙනවා. තව කොටසක් ගිහින් තියෙනවා රජයේ සේවකයන්ගේ වැටුප් ගෙවන්න.
මේ ඉතුරු සල්ලිවලින් අපි අවධානය යොමු කළේ සමාජ අංශය ගැනයි. මේ අවුරුදු කිහිපයේදි අධ්යාපනය වෙනුවෙන් විශාල මුදලක් යෙදුවා. අධ්යාපනය අවුරුදු 13ක් අනිවාර්ය කළා. ළඟම පාසල හොඳම පාසල ව්යාපෘතිය ක්රියාත්මක කළා. පුහුණු ගුරුවරු වැඩිපුර යෙදුවා, වැඩිපුර විද්යාපීඨ ඇති කළා” යැයිද අග්රාමාත්ය රනිල් වික්රමසිංහ මහතා එහිදී පැවැසීය.
(ඡායාරූප : ජයමාල් චන්ද්රසිරි)
අක්රමවත් දේශගුණික රටාව අතර වුවද, කුඩා තේ වතු හිමියන් සිදුකළ පොහොර භාවිතය හේතුවෙන් ඵලදාවේ යම් වර්ධනයක් ලබා ගැනීමට හැකියාව ලැබී තිබෙන බව Asia Siyaka Commodities පවසය
දකුණු ආසියාවේ ප්රමුඛතම පාපැදි නිෂ්පාදන සමාගමක් වන ලුමාලා සිටි සයිකල් ඉන්ඩස්ට්රීස් මැනුෆැක්චරින් පෞද්ගලික සමාගම (Lumala City Cycle Industries Manufacturing Pvt Ltd) වැසී යාමේ අව
ජනාධිපති අනුර කුමාර දිසානායක මහතා පසුගියදා සිදු කළ චීන නිල සංචාරයේදී එරට ප්රමුඛතම ගෝලීය සමාගම් අතර සිදුකළ සාකච්ඡා මාලාව යටතේ, නව බලශක්ති මෝටර් රථ (NEV) න
ජනාධිපති අපනයන සම්මාන උළෙල, 26 වැනි වරටත්, ලබන පෙබරවාරි 7 සිකුරාදා පැවැත්වීමට නියමිතය. ඒ, 2023/24 මූල්ය වර්ෂය තුළ කාර්ය සාධනය අගයමිනි. සමස්ත සම්මාන 14 කින් සහ ක්
1988 අංක 30 දරන බැංකු පනතේ 83 (ඇ) වගන්තිය උල්ලංඝනය කරමින් තහනම් පිරමීඩාකාර යෝජනා ක්රම ක්රියාත්මක කර ඇති බවට ශ්රී ලංකා මහ බැංකුව නිර්ණය කළ ආයතන 21ක් ඊයේ (20) නිල
මහව ප්රාදේශීය ලේකම් කාර්යාලය මගින් හඳුන්වා දුන් බොට් මාස්ටර් නමැති ස්වයංක්රීය උපදේශන මෘදුකාංගය මගින් මහව කොට්ඨාසයේ ජනතාවට නිවසේ සිටම තම අවශ්යතා
2025 ජනවාරි මස 08
452
0
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
2024 දෙසැම්බර් මස 24
619
2
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්රී ලංකාවේ උසම නත්තල් කුළුණ නිර්මාණය කළ
2024 දෙසැම්බර් මස 20
342
0
දශක 3කට අධික කාලයක් තිස්සේ ශ්රී ලාංකිකයින්ගේ මුඛ සෞඛ්යය වෙනුවෙන් කැපවන ප්රමුඛතම සන්නාමයක් වන ‘ඩෙන්ටා’ සිය සුවිශේෂී ‘වැඩෙන සිනහවට ඩෙන්ටල් සත්කාරය
‘සමාජ අසාධාරණ ජයගැනීම තරඟකාරී ආර්ථිකයක විශාල ම අභියෝගයයි’
Raveendra Friday, 22 March 2019 02:29 PM
සූත්තර පුංචාගේ මාර සොයාගැනීම... මේ සොයාගැනීමට නොබෙල් ත්යාගයට හාදයාගේ නම යෝජනා කළ යුතුමයි.
NissankaSaturday, 23 March 2019 08:43 AM
රවින්ද්රට තියෙන්නේ අමුතු ලෙඩක්. මේ ලෙඩේම තියෙන බමුනෙකුත් ඉන්නවා. පොහොට්ටුවේ කවුරු හරි දෙයක් කිව්වොත් ඒක පරම සත්යය. වෙනත් කවුරුහරි මොන තරම් හරි දෙයක් කිව්වත් වැරදි. මේ වගේ පාට කන්නාඩි දාගත්ත අය නිසා තමා අපේ රටට මේ අවාසනාවන්ත ඉරණම අත් වෙලා තියෙන්නේ
RaveendraSaturday, 23 March 2019 06:34 PM
නිස්සංක මයා වෙත, ඔබගේ අදහස් වලට ගරු කරන්නෙමු. අප කිසිවිට වර්ණ කන්නාඩි පැළද අදහස් ඉදිරිපත් නොකරන බව ඔබට නොතේරීම කනාගටුවට කරුණකි. අප සැමවිටම හොද දෙය අගය කරන්නෙමු. එය මෛත්රී ද මහින්දද රනිල් රතු මලයද අපටනම් අදාලම නැත. එලෙසින්ම වැරදිනම් එය වැරදියි කීමට අප නම් බිය නොවන්නෙමු. මොකද 225 ම සිය පවුලුත් සමග නඩත්තු කරන්නේ ඔබ මෙන්ම අපද ගෙවන බදු මුදල්වලින් බව නොරහසකි. එබැවින් මොවුන්ගේ හොද දෙය අගය කිරීමත් වරදින වැරදියි කීමට අපට කොදු පණ තිබිය යුතුය. තවදුරටත් අප එක එක්කෙනාගේ පක්ෂවලට, වර්ණවලට ගැති වෙන තරමටම අපගේ මාතෘ භූමිය අගාදයට යාම වැලැක්විය නොහැකි බව ඔබටද නොතේරීම කනගාටුවකි.
NissankaSunday, 24 March 2019 04:25 AM
රවින්ද්ර ඔබ මේ කියන දේ මිට කලින් ඔබ විසින් පල කර ඇති ඔබේ අදහස් හා නොගැලපේ. ඔබම ආපසු කියවා බලන්න.
Sanath KandySunday, 24 March 2019 04:36 AM
රවින්ද්ර, ආර්ථික විද්යාව පිලිබඳ නොබෙල් ත්යාගය දිනාගත් අමාත්ය සෙන් වැනි විද්වතුන්ගේ අදහසද මෙවැනි බව ඔබ දන්නවාද? මටනම් හිතෙන්නේ ඔබට මේ කියූ කිසි දෙයක් වැටහී නැහැ. ඔබට වහකදුරු මෙන් තිත්ත රනිල්ගේ එජාපයද, ඔබ දෙවියන් බුදුන් මෙන් වන්දනාමාන කරන රාජපක්ෂලාගේ ආණ්ඩුද මෙතෙක් කල් ක්රියාත්මක කර ඇති ආර්ථික ප්රතිපත්තියේ ඇති අසාර්ථකබව ගැනයි මේ කතා කරන්නේ. රනිල් මේ ස්වයං විවේචනයක් කරලා තියෙන්නේ. එත් මේ මාර්ගයෙන් මිදෙන්නේ ඔවුන්ට හැකියාවක් හෝ උවමනාවක් නැහැ. එබැවින් අප කළ යුත්තේ විකල්ප ආර්ථික ප්රතිපත්තියක් ඇති පිරිසකට බලය ලබා දීමයි.
Bandara Friday, 22 March 2019 06:45 PM
කියලා වැඩක් නැහැ රවීන්ද්ර.. මේකනම් මාර සොයාගැනීමක්... මොකක් හරි එකකට ඇවිල්ලා කෙප්ප ඇදබාලා යනවා. රට එතනමයි...
Sanath Kandy Saturday, 23 March 2019 08:53 AM
ඔබ ඇතුළු ප්රධාන ධනේශ්වර පක්ෂ දෙක විසින්ම ක්රියාත්මක කරන නව ලිබරල් ආර්ථික ක්රමයේ තාර්කික ප්රතිඵලය තමා ඒ. මේ කටුක සත්ය දැන දැනම තව දුරටත් අපේ රට සමාජ ආර්ථික විෂමතාවයෙන් පිරුණු අසාර්ථක රාජ්යයක් කරා ගෙන යන්නේ නැතිව විකල්ප බලවේගයකට බාර දීම තමා එකම විසඳුම.
bamunuarachchi Monday, 25 March 2019 09:12 AM
"ඔබගේ අදහස් වලට ගරු කරන්නෙමු." මේ කතාව ඉවත් කොරන්න මේකත් හරියට දැන් හැම එකාටම පාවිච්චි කරන " ඔබතුමා " වගේ කතාවක්. අපි කෙලින් කතා කරමු.
Mudali Monday, 25 March 2019 01:42 PM
රවින්ද්ර යමක් තේරුම් කරලා දුන්නනම් පිළිගන්නවා…. බමුණු තරම් අන්තවාදී නැහැ.
gbase Tuesday, 26 March 2019 11:24 AM
මහමෙරකට වඩා උසයි ජයගත් අභියෝග. ඉතින් මදිද??