• ඉතිහාසයේ පළමුවරට ASPI ඒකක 16,000 ඉක්මවයි
• දෛනික පිරිවැටුම රුපියල් බිලියන 12 ඉක්මවයි

භානුක අමරසිංහ
2025 වසරේ පළමු ගනුදෙනු දිනය ලෙස කොළඹ කොටස් හුවමාරුවෙහි ගනුදෙනු ක්‍රියාත්මක වූ ඊයේ (02දා) දිනයේදී සියලු‍ම දර්ශක අගයන්හි කැපී පෙනෙන ඉහළ යාමක් වාර්තා විය. 
ඒ අනුව එහි ඉතිහාසයේ පළමුවරට සියලු‍ කොටස් මිල දර්ශකය (ASPI) ඒකක 16,000 ඉක්මවමින්, දිනයේ ගනුදෙනු අවසානයේදී ඒකක 16,348.55ක් ලෙස සටහන් විය. මෙය පෙර දිනය (දෙසැ 31) හා සැසඳීමේ දී ඒකක 403.94ක් එනම් සියයට 2.53ක ඉහළ යාමකි. 
එසේම ස්ටෑන්ඩර්ඩ් ඇන්ඩ් පුවර්ස් ශ්‍රී ලංකා 20 දර්ශකයත් (S&PSL20) දිනය අවසානයේ දී ඒකක 4,971.87ක අගයක් ගත්තේය. මෙය පෙර දිනය හා සැසඳීමේ දී ඒකක 109.77ක එනම් සියයට 2.26ක ඉහළ යාමකි. මේ අතර දිනය තුළ දී කොටස් 541,584,441ක් ගනුදෙනු වී ඇති අතර එහි සමස්ත පිරිවැටුම රුපියල් 12,862,020,237.00ක් ලෙස සටහන් විය.