ශ්‍රී ලංකාවේ දීර්ඝතම කාලයක් පුරා ක්‍රියාත්මකව පවතින පෞද්ගලික ජීවිත රක්ෂණ සමාගම වන යූනියන් ඇෂුවරන්ස් විසින් යූනියන් බැංකුවේ බෑන්ක් ඇෂුවරන්ස් නාළිකාවේ විශිෂ්ටතම කාර්යසාධනය පළකළ සිය කණ්ඩායමේ කැපීපෙනෙන ජයග්‍රහණ සඳහා ගෞරව ප්‍රණාම පිදීමට මහත් සාඩම්බරයෙන් යුතුව සුවිශේෂ ඇගයුම් උළෙලක් පවත්වනු ලැබීය. එහි තේමාව වූ “විශිෂ්ටත්වයේ ප්‍රතිරාව 2024” (ෑජයදැි දf ෑංජැකකැබජැ 2024) මඟින් අගය කිරීම, අභිප්‍රේරණය සහ සාමූහික සාර්ථකත්වය පාදක කර ගත් වටාපිටාවක් නිර්මාණය කිරීම සඳහා යූනියන් ඇෂුවරන්ස් සතුව ඇති කැපවීම යළි තහවුරු කෙරිණි. මෙම සමාගම බෑන්ක්ඇෂුවරන්ස් නවෝත්පාදන සම්බන්ධයෙන් නිරතුරුව පෙරමුණ ගෙන කටයුතු කරන විට මෙවැනි වැඩසටහන් මගින් විදහා දැක්වෙන්නේ තමන් සමග සේවා කටයුතු කරන පිරිස් සවිබල ගැන්වීම සහ සමාගමේ ගමන්මග සකසන සන්ධිස්ථාන සැමරීම සඳහා එය දක්වන කැපවීමය. 
මෙම සැමරුම් වැඩසටහන සම්මාන උළෙලකින් ඔබ්බට ගිය අතර, එය යූනියන් ඇෂුවරන්ස් සහ යූනියන් බැංකු සහයෝගිතාව අර්ථවත් කරන කැපවීම, ස්ථාවරත්වය සහ විශිෂ්ටත්වය උදෙසා පුදන ලද උපහාරයක්ද විය. මෙම උත්සව අවස්ථාව සැබැවින්ම මතකයේ රැඳෙන්නක් බවට පත්කිරීම සඳහා ඇගයීම, විවේක සුවය සහ වඩාත් සවිමත් වෘත්තීය සබඳතා ගොඩනගා ගැනීමට අවස්ථාව යන බොහෝ දේ පිරිනමමින්, ඉහළම විශිෂ්ටතා පළකළ සැමට පූර්ණ පහසුකම් සහිතව සුවිශේෂ නිවාඩුවක් ගත කිරීමේ වරම් පිරිනැමිණි. 
“යූනියන් ඇෂුවරන්ස් දිගු කලක් පුරා යූනියන් බැංකුව සමග විශිෂ්ටත්වය සපිරි සාඩම්බර සබඳතාවක් පවත්වාගෙන යනවා”, යැයි මේ පිළිබඳව අදහස් දැක්වූ යූනියන් ඇෂුවරන්ස් ප්‍රධාන විධායක නිලධාරී සෙනත් ජයතිලක මහතා මෙසේද පැවසීය.