ගාල්ලේ තරු පහේ හෝටල 4 ක හිමිකාරීත්වය දරන ඕස්ට්‍රේලියා  ජාතිකයකු වන ජෙෆ්රි ඩොබ්ස්  ජාතික කොඩියට නිගරු කළැයි දිවයිනට ඇතුළු වීමට ඉඩ නොදී හරවා යැවීමට තීරණය කිරීමෙන් අනතුරුව මාසයක තාවකාලික වීසා බලපත්‍රයක් මත ඔහුට ශ්‍රී ලංකාවට ඇතුළු වීමට ආගමන විගමන නිලධාරීන් තීරණය කළ බව ඒ එෆ් පී ප්‍රශ් පුවත් සේවය කියයි.

පසුගිය සිකුරාදා  ඔහු මෙලෙස දිවයිනට ඇතුළු වීමට උත්සාහ දරා ඇති අතර එම අවස්ථාවේදීත් ඔහු  හරවා යැවීමට මුලින් තීරණය කළත් අවසන් මොහොතේ එම තීරණය වෙනස් කර ඇත.

ශ්‍රී ලංකන් ගුවන් සේවයට අයත් ගුවන්යානයකින් තායිලන්තයේ බැංකොක් නුවර සිට පැමිණි  හෙතෙම යළිත් තායිලන්තය බලාම හරවා යැවීමට ආගමන විගමන නිළධරයෝ මුලින් තීරණය කළහ.

මෙවරත් ඔහු පැමිණ ඇත්තේ බැංකොක් නුවර සිටය.  

ඔහුට එරෙහිව ප්‍රශ්නය වී ඇත්තේ ශ්‍රී ලංකාවට ඇතුළු වීමට අවසර නොමැති පුද්ගලයින්ගේ ලැයිස්තුවට හෙවත් අසාදු ලැයිස්තුවට ඔහුගේ නමද ඇතුළත්ව තිබීමයි.

මීට හේතුවී ඇත්තේ ශී්‍රලංකාවේ ජාතික කොඩියට අගෞරව වනසේ ඔහු හැසිරී තිබීමයි.පළාත් ආණ්ඩුකාර කුමාරි බාලසූරිය මහත්මිය පවසන ආකාරයට ඔහු විකාරරූපී ලෙස ඇදි සිංහයෙකු සටහන් වූ ධජ 4 ක් උඩුයටිකුරු කර ඇයගේ නිවස ඉදිරිපස එල්ලා දමා ගොස් තිබේ.මෙම ධජ එල්ලා  ගොස් තිබී ඇත්තේද අඩකුඹු කිරීමෙනි.

ඔහුගේ මෙම හැසිරීම ගාල්ලේ සියලූදෙනා දැඩි කෝපයකට පත්කිිරීමට සමත්වූ බව ඇය කියයි.

ජෙෆ්රි මෙසේ හැසිරීමට හේතුව පසුගිය මස පැවැත්වුනු පොදුරාජ්‍ය මණ්ඩලීය සමුලූව නිමිත්තෙන් ගාල්ල නගරය සැරසීමේ කටයුතු වලදී සේවකයෙකු අතින් වැරදීමකින් ඕස්ටේ්‍රලියානු ධජය උඩුයටිකුරු කර එල්ලා ඇතැයි පැවසේ.

බි්‍රතාන්‍යයේ උපත ලබා ඇති ඩොබ්ස් පොත් ප්‍රකාශකයෙකු ලෙස කලක් කටයුතු කර ඇත්තෙකි.ඔහුට ගාල්ල නගරයේ පිහිටි තරු පහේ හෝටල 4 ක අයිතිය හිමිය.මෙම හෝටල වල ඇතැම් කාමර වල කුලිය රැයකට ඩොලර් 2000 ක් පමණ වන බව සදහන්ය.

තැප්රොඛෙන් නම් දුූපතක්ද ඔහුට හිමි අතර එය කොන්ඩේ නාස්ට් ට්‍රැවලර් සගරාවේ දැක්වෙන පරිදි ලොව සුන්දරතම ස්ථාන 50 අතුරින් එකකි.

ඩොබ්ස් 2007 වසරේ සිට වාර්ෂිකව ගාල්ලේ පැවැත්වෙන සාහිත්‍ය උත්සවයේ ප්‍රධාන සංවිධායකයාද වේ.මෙම සාහිත්‍ය උත්සවයට ජොවැනා ට්‍රොලොප්,ටොම් ස්ටොපර්ඩ්, මයිකල් මොරුපගෝ වැනි ප්‍රකට සාහිත්‍යධරයන්ද සහභාගී වී තිබේ.

ඩොබ්ස් සතු හෝටල වල අයිතිය හිමිකරගැනීමට මෙසේ ඔහුට දිවයිනට ඇතුලූ වීම තහනම් කර ඇතැයි විපක්ෂයෙන් නැගෙන චෝදනාව බාලසූරිය මහත්මිය තරයේ ප්‍රතික්ෂේප කරයි.

ඇය පවසන්නේ ඩොබ්ස්ගේ ව්‍යාපාර හවුල්කරුවන් ඔහු වෙනුවෙන් ව්‍යාපාරයන් මෙහෙයවමින් සිටිනා බවයි.ඔවුන් නැවැත්වීමට රජය කිසිදු පියවරක් ගෙන නැතැයි ඇය කියයි.