ග්ලෙන් ජේම්ස් අවුරුදු 54ක් වයැසැති කළු ඇමෙරිකා යාචකයෙකි. අවුරුදු 15 කාලයක සිට ඔහුට ඉන්න හිටින්න තැනක් නොමැතිව සිතු තැන ලැගුම් ගන්නා දැඩි ලෙස දේව භක්තිකයෙකි.

ඇමෙරිකානුවෝ බෙහෝ යාචකයන් මෙන් කාඩ්බෝඩ් පෙට්ටියක රාත‍්‍රි දවස ගෙවන ඔහු ඇමෙරිකාවේ මැසචුසෙට්ස් ප‍්‍රාන්තයේ පිහිටි බෝස්ටන් නුවර විශාල වෙළඳ සංකීර්ණයකට අයත් වාහන ගාලක කලක සිට ඔහුගේ සුපුරුදු නිවහන කර ගත්තේය. මේ අතර තුර සැප්තැම්බර් 14 වැනිදා රාත‍්‍රියේ ඉහත වෙළඳ සංකීර්ණයේ මුල්ලක දමා ගිය බෑගයක් ඔහුට හමුවුනේය.

බෑගය විවෘත කොට දුටු දෙයින් විස්මයට පත් යාචකයා බෑගය ගැන වහාම ළඟම ඇති පොලීසියට සැළකර සිටියේය. පොලීසිය පැමිණ බෑගය විවිවෘත කළේය. මුදල් නෝට්ටු ඩොලර් 2400 (රුපියල් ලක්ෂ 319200  ) හා ඩොලර් 40,000(රුපියල් ලක්ෂ 5320000 )ක් වටිනා සංචාරක චෙක්පත් සමග ෆාස්පෝට් එකක්ද සොයා ගන්නා ලදී. පරීක්ෂන වලින් පසු එම මුදල් බෑගයේ හිමිකරුවා සොයා ගත් අතර එම මුදල් ඔහුට ලබා දීමට කටයුතු කළේය.

අනතුරුව රූපවාහිනියේ හා මාධ්‍ය මගින් මෙම යාචකයාගේ ක‍්‍රියාව ඇගැයුමට ලක් කරමින් ඔහුව පැසසුමට ලක්කල අතර බෝස්ටන් පොලිස් මුලස්ථානය සංවිධානය කල විශේෂ උත්සවයකදී ඔහුට විශේෂ සම්මාන සහතිකයක් පිරිනැමීය.මෙම සිද්ධිය මුළු ඇමෙරිකාව පුරා පැතිර ගිය අතර බොහෝ දෙනා ඔහුට පිහිට වීමට ඉදිරිපත් වුයේය.

 ඒ අතර තුර ඔහුගේ අවංක බව අවබෝධ කර ගත් මුදල් අයිතිකරු අන්තර් ජාලය හරහා ඔහුගේ ක‍්‍රියාව ඇගැයීමට ලක් කරමින් ලෝකයා දැනුවත් කරමින් ඔහුව රැක ගැනීමට ආධාර ඉල්ලා සිටියේය.

එහි ප‍්‍රථිපලයක් ලෙස මේ වන විට ඔහුට පදිංචියට නිවසක් හා මුදලින් ඩොලර් ලක්ෂයක්(රුපියල් ලක්ෂ 1330000)  පමණ ආධාර කර ඇත්තේය. මේ ගැන එහි මාධ්‍යවේදියෙක් ග්ලෙන් ජේම්ස් ගෙන් ප‍්‍රශ්න කලවිට ඔහුගේ පිලිතුර  එක වචනයකින් අවසන් කළේය.එනම් යුද්ධය එපා යන්නයි ඩොලර් 42,000 (ලක්ෂ 5586000) ක් සොයා දුන් අවංක යාචකයාට ඩොලර් ලක්ෂයක පමණ තෑගි ලැබුනේය. අවසානයේ ඔහුගේ අවංකත්වය ඔහුට පිහිට වුයේය. අවංකකම මිල කල නොහැකි බව ඉහත කථා පුවත සාක්ෂි දරන්නේය.