දැවැන්ත බැබූනයකු හා විස ඝෝර සර්පයකු පෙන්වා මිනිසුන් බය කර සොරකමේ යන මිනිසෙක් (27) නයිජීරියාවේ ලාගෝස් මහේස්ත්‍රාත් උසාවියට ඉදිරිපත් කරනු ලැබ සිටී.

මොහොමඩ් නෆිව් කුමන්ත්‍රණය කිරීම, මහජන සාමය කඩ කිරීම හා සොරකම යන චෝදනා 5කට ඔහු නිවැරදිකරු බව කියා සිටියේය.පොලිසිය කීවේ බසයකට නැගීමට ගිය පිරිසකගෙන් පුද්ගලයකු හුදකලා කර බැබූන් හා නයා පෙන්වා නයිරා 57000ක් (රුපියල් 38858) සොරකම් කර ඇති බවයි. තවත් තැනකදී ඔහු නයිරා 230000 (රුපියල් 156796) ක්ද පැහැර ගත් බව පොලිසිය අධිකරණයට දැන්වීය.

නයිරා ලක්ෂයක (රුපියල් 68172) පුද්ගල ඇප දෙකක් මත ඔහු මුදා හැරිණි.

(නයිජීරියාවේ ද ගාර්ඩියන් පත්‍රයෙනි)