ස්පාඤ්ඤ කාන්තාවකගේ ගර්භාෂයේ තිබී රාත්තල් 55 ක් බරැති යෝධ ගෙඩියක් ඉවත් කළ බව එරට ශල්‍ය වෛද්‍යවරු පිරිසක් කියති. පැය දෙකක ශල්‍යකර්මයකින් ඉවත්කරන විට ගෙඩිය සෙන්ටිමීටර 41ක් වර්ධනය වී තිබිණි.

වෛද්‍ය කණ්ඩායමේ ප්‍රධානි ඉඩුඅර්ඩෝ කැසෝර්ලා පවසන්නේ වසර විස්සක සිය වෘත්තීය දිවියේ මෙවැනි ගෙඩියක් දුටු පළමු අවස්ථාව බවයි. ලොව මෙවැනි ගෙඩි වාර්තා වී ඇත්තේ පහක් පමණක් බව ද ඒ සියල්ල පරයා මෙය විශාල බව ද ඔහු කියයි. ගෙඩිය ඉවත්කිරීමේ දී ගර්භාෂ්‍ය, ඩිම්බ කෝෂ සහ පැලෝපීය නාල ද ඉවත්කිරීමට සිදුව ඇත.

සිරුර බර වැඩිවීම , උදරේ වේදනාව, වැසිකිලි යාමේ දී ඇති වන අපහසුතා, නින්ද නොයාම, හුස්ම ගැනීමේ අපහසුතා, ඇවිදිමේ අපහසුතා හේතුවෙන් කරන ලද වෛද්‍ය පරීක්ෂණයක දී මේ ගෙඩිය ගැන මුළින්ම සොයාගෙන තිබේ. වෛද්‍යවරු පවසන්නේ යළි ඇගේ සිරුරේ එවැනි ගෙඩියක් වර්ධනය නොවනු ඇති බවයි.