සිම්බාබ්වේහි නැගෙනහිර ප්‍රදේශය හරහා හමා ගිය ඉඩායි සුළිකුණාටුව හේතුවෙන් 31දෙනකු මියගොස් ඇතැයි වාර්තා වේ.
 
 මියගිය අය අතර පාසැල් දෙකක සිසුන් පිරිසක් ද සිටින බව බලධාරීහු පවසති.
 
 ගංවතුරින් යටවුණු මාර්ගයක් හරහා බස් රථයක් ගමන් කිරීමට යෑමේදී ගසාගෙන යෑමෙන් අතුරුදන් වූ තිදෙනකු සොයා මෙහෙයුම් ආරම්භ කර ඇති බවද ඔවුහු පවසති.
 
 සුළි සුළඟින් ගල් පෙරලීම හේතුවෙන් බොහෝ අනතුරු සිදුවී ඇති අතර සුළං හමායන අවස්ථාවේ බොහෝදෙනා නින්දේ පසුවීම හේතුවෙන් මියගිය සංඛ්‍යාව ඉහල ගිය බව සඳහන් වේ.
 
 මොසැම්බික් දේශසීමාව ආසන්නයේ පිහිටි මනිකලෑන්ඩ් පළාතේ 21දෙනකු මියගොස් ඇති අතර ප්‍රදේශයේ විදුලිය විසන්ධි වී ඇතැයි ද සන්නිවේදන කටයුතු ඇණහිට ඇතැයි ද වාර්තා වේ.
 
 පැයට කිලෝමීටර් 177ක වේගයෙන් සුළං හමාගිය බව කාලගුණ බලධාරීහු පවසති.ආපදාවටපත් ප්‍රදේශයන්හි හදිසි තත්ත්වයක් ප්‍රකාශයට පත්කර ඇත.
 
 සුළිකුණාටුවෙන් අතුරුදන් වූ සම්පූර්ණ සංඛ්‍යාව 71ක් පමණ වන හෙයින් මියගිය සංඛ්‍යාව බොහෝසෙයින් ඉහල යාමට ඉඩ ඇතැයි සඳහන් වේ.
 
(බීබීසී ඇසුරිණි - 085)