අවුරුදු දෙකක් වයසැති වුවත් ඇඟට පතට නොදැනී රහමෙර පානයේ යෙදෙන ලෝකයේ ලාබාලතම මත්පැන් ලෝලීයා යැයි නමකුදු පබැදී ඇති කුඩා දරුවෙක් චීනයේ අන්හුයි ප්‍රාන්තයේ සිටී.

මත්පැන් පානයේ ප්‍රථම අත්දැකීම මෙම දරුවා ලබා ඇත්තේ යන්තම් මාස 10 ක් වයසැතිව සිටියදී බව සදහන්වේ. ඔහු හඬනු ඉවසාගත නොහැකිවූ ඔහුගේ පියා හඩන දරුවාට වයින් බිදක් පොවා ඇත.එය පානය කළ සැනින් හැඬුම නැවතුණු බව ඔහුගේ දෙමව්පියෝ පවසති.

නිකමට කළ දෙයක් වුවත් ඔවුන්ගේ බිය දැන් වැඩිවී ඇත්තේ චෙන් චෙන්ග් නම් වන මේ දරුවා දැන් මත්පැන් පානයට ඇබ්බැහි වී සිටින නිසාවෙනි.

චෙන් චෙන්ග් දිනකට මත්පැන් හා බීර බෝතල් දෙක තුනක්වත් පානය කරන බව සදහන්ය.නමුත් ඔහුට අතුරුආබාධ කිසිත් නොමැති බවද පැවසේ.

මෙය අන්තර්ජාලයෙන්,පුවත්පත් වලින් දුටු බොහෝ දෙනා  චීන බලධාරීන්ට චෝදනා නැඟීමේ ප්‍රතිඵලයක් ලෙස දැන් චෙන් චෙන්ගේ පුනරුත්ථාපනය කිරීමට සැළසුම් සකස් කෙරෙමින් තිබේ.

ඔහුගේ දෙමව්පියෝ එහි පියවරක් ලෙස චෙන් චෙන්ගේ කිරි හා වෙනත් බීම වර්ග වලට හුරු කරවීමට තැත් කරමින් සිටී.නමුත් මත්පැන් බෝතලක් ඇස ගැසුණු විගස ඔහු එය ඉල්ලා පෙරළි කරන්නේයැයි ඔවුහු පවසති.