ඇමෙරිකාවෙන් ප‍්‍රහාරයක් එල්ල වුවහොත් සිරියානු රජයට සහාය දීමට තම බලඇණි කිහිපයක් සිරියාවට යැවූ බව ලෙබනනයේ හිස්බුල්ලා සටන්කාමී සංවිධානය කියා සිටී.

සිරියානු ජනාධිපති බෂීර් අල් අසාද්ගේ රජයේ හමුදාවට කැරැලිකරුවන්ට දිගින් දිගටම පහර දීමට හැකි වි ඇත්තේ, ලෙබනනයේ හිස්බුල්ලා සංවිධානයට අයත් සටන්කාමීන්ගේ ද සහාය ලැබෙන නිසාය.

හිස්බුල්ලා සටන්කාමීන් සිරියානු අර්බුදයට මැදිහත් වීමෙන් සිදුවන්නේ් එම අර්බුදය තව තවත් අවුල් වීමක් බවත් ඊට සාමකාමී විසඳුමක් සෙවීමට නොමැකි වනු ඇති බවත් ඇමෙරිකාවේ අදහසයි.

හිස්බුල්ලා සංවිධානය ත‍්‍රස්ත සංවිධානයක් ලෙස නම් කිරීමට ඇමෙරිකාව ප‍්‍රමුඛ බටහිර රටවල් මේවනවිට තීරණය කර ඇත.

සිරියාවේ අසල්වැසියකු වන ලෙබනනයේ කි‍්‍රයාත්මක හිස්බුල්ලා සංවිධානය සටන්කාමී සංවිධානයක් පමණක් නොව, දේශපාලන සංවිධානයක් ද වෙයි.

සිරියාවේ සිවිල් යුද්ධය තමාගේ යුද්ධයක් බවත් එය අවසන් වනතුරු ජනපති අසාද්ගේ රජයට සහාය දෙන බවත් හිස්බුල්ලා නායක හසන් නසරල්ලා අවධාරණය කර ඇත.
 

හිස්බුල්ලා සටන්කාමීන්