එක්සත් ජාතීන්ගේ සංවිධානයේදීය (ඒ.එෆ්.පී)
 
එක්සත් ජාතීන්ගේ 72 වැනි මහ මණ්ඩල සැසිවාරයට සමගාමීව පැවැත්වෙන ලෝක නායකයන්ගේ වාර්ෂික විවාදය අද (19) ආරම්භ වීමට නියමිතය.
 
මෙහිදි ලෝක නායකයන් මහ සමුළුව ඇමතීමට නියමිත අතර ඇමෙරිකා එක්සත් ජනපද ජනාධිපතිවරයාගේ දේශනය කෙරෙහි වැඩි අවධානයක් යොමු ව තිබේ. මෙය ඇමෙරිකා එක්සත් ජනපද ජනාධිපති ඩොනල්ඞ් ට්‍රම්ප් එක්සත් ජාතීන්ගේ මහ මණ්ඩල සැසියක් අමතන පළමු අවස්ථායි. 
 
ඇමෙරිකා ජනාධිපතිවරයා සිය දේශනයේදී උතුරු කොරියාව සහ ඉරානය සම්බන්ධයෙන් වැඩි අවධානයක් යොමු කරනු ඇතැයි පැවසේ. බ්‍රසීල ජනාධිපති මයිකල් ටෙමර්ගේ දේශනයෙන් පසු ඇමෙරිකා ජනාධිපතිවරයා සිය දේශනය පවත්වනු ඇත. ජනාධිපති ට්‍රම්ප්ගේ ‘ඇමෙරිකාව පළමුවෙන්’ ප්‍රතිපත්තිය නිසා ජාත්‍යන්තරය ඔහු ජාතිකවාදියකු හඳුන්වා දී තිබිණි.
 
එක්සත් ජාතීන්ගේ වාර්ෂික මහ මණ්ඩල සැසිය සමාජ ශාලාවක් පෙර අවස්ථාවකදී ඇමෙරිකා ජනාධිපතිවරයා විසින් හඳුන්වා දී තිබිණි. ‘මිනිස්සු එකතු වී කා බී, විනෝද වී යන තැනක්’ යනුවෙන් ඇමෙරිකා ජනාධිපතිවරයා මහ සැසිය හඳුන්වා දී තිබිණි. 
 
මෙවර එක්සත් ජාතීන්ගේ මහ මණ්ඩලය සැසිය ප්‍රංශ ජනාධිපති එමානුවෙල් මැක්රෝන්ගේ පළමු සැසිය ද වේ. ප්‍රංශ ජනාධිපතිවරයාගේ දේශනය ඇමෙරිකා එක්සත් ජනපද ජනාධිපතිවරයාගේ දේශනයට හාත්පසින්ම වෙනස් වනු ඇත. 
 
දේශගුණ විපර්යාස සම්බන්ධයෙන් ඇමෙරිකා ජනාධිපතිවරයා වෙනස් ප්‍රතිපත්තියක් දරන විට දේශගුණ විපර්යාසවලට මුහුණ දීම සඳහා ලෝකය එක්විය යුතු යැයි ප්‍රංශ ජනාධිපතිවරයා පවසයි. ‘ඇමෙරිකාව නැවත වරක් ශ්‍රේෂ්ඨත්වයට පත් කරමු’ යැයි ඇමෙරිකා ජනාධිපතිවරයා පවසන වනවිට ‘පෘථිවිය නැවත වරක් ශ්‍රේෂඨත්වයට පත් කරමු’ යැයි ප්‍රංශ ජනාධිපතිවරයා නිරන්තරයෙන් ප්‍රකාශ කරයි. 
 
055