රුසියාව විසින් පසුගිය සෙනසුරාදා  මැක්සිකන් චන්ද්‍රිකාව සහිතව ගුවන් ගතකල රොකට්ටුව නිසිපරිදි ක්‍රියාත්මක නොවීම හේතුවෙන් ඉතාමත් ඉක්මනින්ම සයිබීරියානු ගුවන් තලයේදී ගිනිගෙන විනාශවනු ඇතැයි රුසියානු අභ්‍යාවකාශ ඒජන්සිය පවසයි.

පසුගිය සෙනසුරාදා උදෑසන කසකස්තානයේදී ගුවන් ගතකරණ ලද පෝර්ටොන් - එම් නැමැති  බඩු බාහිරාදිය රැගෙන යන රොකට්ටුව එය ගුවන් ගත කර පළමු මිනිත්තුවේදීම කැඩීගොස් ඇති බව විදෙස් මාධ්‍ය වාර්තාකරයි.

පසුගිය මාස කීපයේදී රුසියානු අභ්‍යවකාශ වැඩසටහන මෙවැනි අකරතැබ්බයන් ගණනාවකින් අපහසුතාවයට පත්ව තිබේ. මීට කලින් පලවු වාර්තා මගින් කියැවුනේ රොකට්ටුව සයිබිරියාවේදී කඩා වැටුනු බවයි.

ජාත්‍යන්තර අභ්‍යාවකාශ මධ්‍යස්ථානයේ සිටින ගගන ගාමින් තිදෙනා නැවත පෘථිවිය වෙත රැගෙන ඒම පසුගිය අඟහරුවාදා රුසියාව විසින් ප්‍රමාද කරණු ලැබීය. මිනිසුන් රහිතව බඩු බාහිරාදිය රැගෙන ජාත්‍යන්තර අභ්‍යාවකාශ මධ්‍යස්තානය වෙත ගමන් කරමින්  තිබු යානය අනතුරක් හේතුවෙන් නැවත පෘථිවි වායුගෝලයට ඇතුලත් වීමේදී ගිනිගෙන විනාශ වි යාම ඊට හේතුවිය. යානය විනාශ වූයේ අප්‍රේල් 28 දින දී ය.

අභ්‍යාවකාශ තාක්ෂණය සම්බන්ධයෙන් රුසියාව විසින් ලබාගෙන තිබු කීර්තිනාමය මෙම සිද්ධි සමගම පහළ වැටී ඇතැයි විදෙස් මාධ්‍ය පවසයි. මෙම අනතුර ගැන රුසියානු ජනාධිපති පුටින් ද දැනුවත් ව ඇති බව ඔහුගේ ප්‍රකාශක ඩිමේට්රි පෙස්කෝ පැවසීය.

බටහිර සහ ආසියාවේ වාණිජ චන්ද්‍රිකා ගුවන් ගත කිරීමෙන් රුසියාව අති විශාල විදේශ විනිමයක් දැනටමත් උපයයි.