යේමනයේ උතුරු දිග හජා පළාතේ කුෂාර් දිස්ත්‍රික්කයට පසුගිය දින කිහිපයේ එල්ලවූ ගුවන් ප්‍රහාරවලින් සාමාන්‍ය වැසියන් 22දෙනෙකු මියගොස් ඇතැයි එක්සත් ජාතීන්ගේ සංවිධානය පවසයි. 
 
 මියගිය අය අතර කුඩා දරුවන් 12දෙනකු ද කාන්තාවන් 10දෙනකු ද සිටින බව සඳහන් වේ.
 
 සිදුවූ අනතුරු වලින් 30දෙනකු තුවාල ලබා ඇත.
 
 තුවාල ලැබූ දරුවන් ඇබ්ස් හා සනාහි රෝහල් වෙත ප්‍රතිකාර සඳහා යැවූ බව බලධාරීහු පවසති.
 
 සවුදි ඒකාබද්ධ සංවිධානය විසින් ගුවන් ප්‍රහාර එල්ල කළ බව මාධ්‍ය සඳහන් කර ඇත.
 
 යේමනයේ ක්‍රියාත්මක හවුති කැරලිකරුවන් ඉලක්ක කරගෙන 2015 වර්ෂයේ සිට සවුදි ඒකාබද්ධ සංවිධානය මෙලෙස ගුවන් ප්‍රහාර එල්ල කරති.
 
 එම ගුවන් ප්‍රහාරවලින් සාමාන්‍ය වැසියන් ද මියයන නමුත් එය ඕනෑකමින් සිදු කරන්නක් නොවන බව ඔවුහු පවසති.
 
 හවුති කැරලිකරුවෝ 2014 වර්ෂයේ සිට  යේමනයේ අගනුවර වන සනා අත්පත් කරගෙන සිටිති.
 
 
(රොයිටර් පුවත් ඇසුරිණි - 085)