මියන්මාර සිවිල් රජයේ නව දේශපාලන ප‍්‍රතිංස්කරණවලට ඉඩ සලසා දෙමින් දැඩි මතධාරියකු ලෙස කටයුතු කළ එරට උප ජනපති ටින් අවුන් මියැන්  ඕ (61) ඊයේ (6) සිය ධුරයෙන් ඉල්ලා අස්වූයේය. මියන්මාරයේ හමුදා පාලනයක් පවතිද්දී හමුදා රජයේ ඒකාධිපති පාලකයා වූ ජනරාල් තාන් ස්වේගේ දෙවැනියා ලෙස කටයුතු කළේ ද මොහුය. 2010 වසරේ මැතිවරණයෙන් පසු මියන්මාරයේ සිවිල් රජයක් පිහිටවූ අතර වත්මන් ජනපති ධුරය හොබවන්නේ ද හමුදා සේවයට සමුදුන් තාන් ස්වේය. 2010 වසරේ පැවැති මහ මැතිවරණයෙන් ජය ගත්තේ ද හමුදා රජයට හිතවත් දේශපාලන පක්ෂය. ඔවුන් එක්වී පිහිටුවූ රජය නව දේශපාලන ප‍්‍රතිසංස්කරණ හඳුන්වා දෙමින් ප‍්‍රජාතන්ත‍්‍රවාදී රාමුවක කටයුතු කරන බව පෙනෙයි. වසර 20 කට ආසන්න කාලයක් නිවාස අඩස්සියේ රඳවනු ලැබූ එරට ප‍්‍රජාතන්ත‍්‍ර නායිකා අවුන් සාන් සූ කී නිදහස ලැබුවේත් ඇයට ඉකුත් අපේ‍්‍රල් පළමුවැනිදා අතුරුමැතිවරණයට ඉදිරිපත් වී ජය ගැනීමට හැකි වූයේත් එම දේශපාලන ප‍්‍රතිසංස්කරණ හේතුවෙනි. එම දේශපාලන ප‍්‍රතිසංස්කරණ විදේශවල පවා ප‍්‍රසංශාවට ලක්වී ඇති අතර මියන්මාරයට එරෙහිව පනවා ඇති සම්බාධක ලිහිල් කිරීමට ඇමෙරිකාව, යුරෝපා සංගමය, එක්සත් ජාතීන්ගේ සංවිධානය,  ඕස්ටේ‍්‍රලියාව තීරණය කර තිබේ. ටින් අවුන් මියැන්  ඕ