IMG-LOGO

2025 ජුලි මස 12 වන සෙනසුරාදා


මෝදි කාශ්මීර නායකයන් හමුවෙයි

ඉන්දීය අග්‍රාමාත්‍ය නරේන්ද්‍ර මෝදි සහ ජම්මු කාශ්මීර දේශපාලන නායකයන් අතර හමුවක් නවදිල්ලි අගනුවරදී පැවැත්විණි.

ඉන්දීය මධ්‍යම රජය ජම්මු කාශ්මීරයේ ස්වයං බලතල අහෝසි කිරීමෙන් පසු, අග්‍රාමාත්‍ය මෝදි සහ ජම්මු කාශ්මීර දේශපාලන නායකයන් හමුවුණු පළමු අවස්ථාව මෙයයි. ජම්මු කාශ්මීර මුස්ලිම් දේශපාලන නායකයන් නවදිල්ලියට පැමිණියේ අග්‍රාමාත්‍ය මෝදිගේ විශේෂ ඇරැයුමකට අනුවය.

දේශපාලන නාකයන් සහ මෝදි අතර පැය 3 ක් තිස්සේ සාකච්ඡා පැවැත්විණි. භාරතීය ජනතා පක්ෂ නායකයෝ පවා මෙම හමුවට එක් වූහ. ජම්මු කාශ්මීරයේ ප්‍රධාන දාරාවේ දේශපාලන පක්ෂ අටේ නායකයෝ 18 දෙනා මෝදි හමුවීමට පැමිණ සිටියහ. ඔවුන් අතර ජම්මු කාශ්මීරයේ හිටපු මහ ඇමැතිවරු සිවු දෙනෙක් වූහ.

ඉන්දීය මධ්‍යම රජය 370 වැනි වගන්තිය අහෝසි කරමින්, ජම්මු කශ්මීරයට ලබා දී තිබුණු විශේෂ බලතල ඉවත් කිරීමෙන් පසු, ප්‍රාන්තයේ සංවර්ධන කටයුතු කෙසේ සිදුවිය යුතු ද යන්න සහ ඉදිරි දේශපාලන කටයුතු සම්බන්ධයෙන් මෙහෙදී සාකච්ඡා කෙරුණි.

මෙම හමුවේ දී 370 වැනි වගන්තිය යළි ස්ථාපිත කරන්නැයි පක්ෂ කීපයක නායකයන් ඉල්ලා සිටියත් එය කිසිසේත් කළ නොහැකි බව අග්‍රාමාත්‍ය මෝදි අවධාරණය කළේය.

ඉන්දීය අග්‍රාමාත්‍ය මෝදි යළිත් වරක් කාශ්මීර දේශපාලන නායකයන්ට අවධාරණය කළේ කාශ්මීර ප්‍රාන්තය සමෘද්ධිමත් කිරීමටත්, කාශ්මීර මුස්ලිම් වැසියන්ගේ ජීවන තත්ත්වය උසස් කිරීමත් කළ හැක්කේ එම ප්‍රාන්තය ඉන්දීය රජය යටතේ පාලනය වන්නේ නම් පමණක් බවය.

ඊට අමතරව කාශ්මීරයේ ඉදිරි මැතිවරණ කටයුතු පැවැත්වෙන ආකාරය සහ බෙදුම්වාදී අන්තවාදීන්ගේ ප්‍රචණ්ඩ ක්‍රියා සම්බන්ධයෙන් ද අග්‍රාමාත්‍ය මෝදි සහ කාශ්මීර දේශපාලනික නායකයන් අතරේ සාකච්ඡා විය. ඉන්දීය මධ්‍යම රජය එරට ආණ්ඩුක්‍රම ව්‍යවස්ථාවේ, 370 වගන්තිය අහෝසි කරමින්, කාශ්මීරයට ලබා දී තිබුණු විශේෂ බලතල ඉවත් කළේ 2019 අගෝස්තු මාසයේය. 370 වගන්තිය යටතේ මුස්ලිම් බහුතරයක් වෙසෙන කාශ්මීර ප්‍රාන්තයට විශේෂිත ස්වයං පාලනයක් හිමිවී තිබුණි.

නවදිල්ලියේදීය (එන්.ඩී.ටීවී.)



අදහස් (0)

මෝදි කාශ්මීර නායකයන් හමුවෙයි

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 319 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 845 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1272 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site