මැටි වලින් පිරුණු ආවාටයක ගිලී ඉතාම හොදින් සංරක්ෂණයව තිබියදී හමුවුනු මිනිස් මොළයක හිමිකරු අදින් වසර 2600 කට පෙර කාලයකදී ජීවත්ව සිටි පුද්ගලයෙකු බව සොයාගැනීමට බි‍්‍රතාන්‍යය පර්යේෂකයින් පිරිසක් සමත්ව තිබේ.

මෙම මිනිස් මොළය සොයාගැනීම සිදුවූයේ 2009 වසරේදීය.බි‍්‍රතාන්‍යයේ යෝරක් ප‍්‍රදේශයේ කැණීම් කටයුතු වල නිරතව සිටි පර්යේෂකයින්ට මැටි වලින් පිරුණු ආවාටයක තිබී හිස්කබලක් හා එයට සම්බන්ධව තිබූ කෂේරුකා කිහිපයක් හමුවූ අතර ඔවුන් පුදුමයට පත්කරවමින් එම හිස්කබලේ මොළයද රැදී තිබුණේ ඉතාම හොදින් සංරක්ෂණයවය.

ඕනෑම සජීවී දෙයක් ජීර්ණය වීමට බැක්ටීරියා කි‍්‍රයාකාරීත්වයට අවශ්‍ය පරිසරය තිබිය යුතුය.නමුත් මෙහිදී මොළය මඩෙන් ආවරණයව තිබීම නිසා බැක්ටීරියා කි‍්‍රයාකාරීත්වයට අවශ්‍ය පරිසරයක් තිබී නොමැති ලකුණු පෙනෙන බව පර්යේෂකයින් පවසයි.

කාබන් දත්ත පරීක්ෂාවෙන් මෙම මොළයේ වයස තීරණය කිරීම සිදුව තිබේ.

හිමිකරුගේ මරණය සිදුව ඇති ආකාරය ගැනද අදහස් පළකරන පර්යේෂකයින් හිස්කබල හා සම්බන්ධවී තිබූ කෂේරුකා වල සටහන්ව තිබෙන කැපුම් වලට අනුව ගෙළ ප‍්‍රදේශයෙන් පිහි පහරක් එල්ලව ඇති සෙයක් පෙනෙනා බව කියයි.එවන් තුවාළයකින් සිදුවන රුධිර වහනය ක්ෂණික මරණයක් අත්කරදෙන්නකි.

මේ සියල්ලට වඩා පර්යේෂකයින්ගේ අවධානය දිනා ගැනීමට හැකිව තිබෙන්නේ ඉතාම සංවේදී අවයවයක් වන මිනිස් මොළය මේ සා කාලයක් සංරක්ෂණවය තිබීම ගැනය.මිනිස් සම පවා ඉතාම ඉක්මනින් දිරා යද්දී මොළය වැනි අවයවයක් මේ තරම් කාලයක්  පැවතීම ඇත්තෙන්ම ප‍්‍රාතිහාර්යයකට නොඅඩුදෙයක් බව ඔවුන්ගේ අදහසයි.

26582E2B00000578-2980741-image-a-53_1425557183485 265709E600000578-0-image-a-6_1425548478770 DSC_2369