ස්කූටරයකින්  හංගේරියාවේ  ගොවිපළක් වෙත යමින් සිට් 62 හැවිරිදි  පුද්ගලයකු ස්කූටරයෙන්  ඉවතට ඇද බිමට පෙරළා  ගෙන බුරුවන් දෙදෙනකු  විසින් දරුණු ලෙස  සපා කෑමෙන් මරණයට පත්ව තිබේ.

 සපා කෑම් වලින්  දරුණු තුවාල ලබා  මියගොස් සිටි  පුද්ගලයා දුටු  ගොවිපොළේ අයිතිකරු  පොලීසියට දන්වා සිටියේ  දඩ බල්ලන් විසින් ඔහු  සපා කා මරණයට පත් වී ඇති බවයි.

නමුත් පශ්චාත් මරණ පරීක්ෂණයේදී අනාවරණය වුයේ  බුරුවන් දෙදෙනකුගේ දරුණු  සපා කෑම් වලින් මෙහු මියගොස් ඇති බවයි.

බුරුවන් දෙදෙනා කේන්තියෙන් සිටින බව  ගොවිපොළ අයිතිකරුගේ  දියණිය අයිතිකරුට බවසා ඇතත් ඔහු ඊට පිළිතුරු  දී ඇත්තේ  බුරුවන් හොඳින් සිටිනා බවයි.

 දැන් පොලීසියේ නියෝග මත බුරුවන් කොටු කර රඳවා  තිබේ.

පශූ වෛද්‍යවරුන්  කියන්නේ  බුරුවන්ගෙන් මිනිසුන්ට හිරිහැරයක් නොමැති  වුවත්  මෙය අසාමාන්‍ය සිදුවීමක් බවයි.