කෙන්යාවේ අගනුවර වන නයිරෝබි නගරයේ වෙළඳපොළක ඇතිවූ ගින්නකින් 15දෙනකු පමණ මියගොස් 70ක් පමණ තුවාල ලබා ඇත. මියගිය අය අතර දරුවන් හතර දෙනකු ද සිටින බව රෝහල් බලධාරීහු පවසති.

 
ගින්න හටගෙන ඇත්තේ රාත්‍රී කාලයේ බවත් ගොඩනැගිලි බොහොමයක් ගින්නෙන් දැවී විනාශ වී ඇති බවත් පැවසේ. 
 
මෙය නගරයේ එළිමහන් ස්ථානයක පැවැත්වෙන දැවැන්ත වෙළඳපොලක් වන අතර පාවිච්චි කරන ලද ඇඳුම්, සපත්තු, එළවළු සහ දැව විකිණීමට තබා ඇතැයි මාධ්‍ය වාර්තා කර ඇත. 
 
ගින්න නිවා දැමීමට පැය දෙකක පමණ කාලයක් ගතවී ඇති අතර ගින්න හටගැනීමට හේතුව සොයා පරීක්ෂණ ආරම්භ කර ඇති බව පොලිසිය පවසයි. 
 
(බීබිසී ඇසුරිණි - 085)