හොවුටොන්ග් නම් වන මේ ගම්මානය එදවස ප‍්‍රසිද්ධව තිබූයේ ගල් අගුරු ආකර පැවැතීම නිසාය.හොද තත්ත්වයේ ගල් අගුරු බෙදාහැරීමෙන් දිවි සරිකරගත් ගම්මු 6000 ක් පමණ ගම්මානයේ විය.1970 වසරින් පසු විදුලිබලය හා ඛනිජ තෙල්, ජනපි‍්‍රය වන්නට පටන්ගත්තේ කිසිවෙකුත් නොසිතූ පරිදිය.

මෙනිසා හොවුටොන්ග් ගම්මානයේ ගල් අගුරු වලට තිබූ ඉල්ලූමද පහත ගියේ ගම්මානයේ නමද එහි වැසියන්ද බාහිර ලෝකයාට අමතක කරවමිනි.ජීවත් වීමට ක‍්‍රමයක් නොමැති තැන ගම්මුන්ද නගර වලට සංක‍්‍රමණය වීමට පටන් ගැනීම නිසා ගම්මානයේ සිටි 6000 න් 2000 වසර වන විට සිටියේ 100 ක් පමණි.

2008 වසරේදී දුර රටකින් සංචාරකයෙකු ගමට පැමිණියේ සියල්ලන් පුදුමයට පත්කරවමිනි.ඔහු ඡායාරූප ශිල්පියෙක් විය.ඔහු සතුන් ඡායාරූප ගතකරණය කෙරෙහි උනන්දුවක් දැක්වූයෙකි.ගම්මානයේ එහෙ මෙහෙ සැරිසරමින් සිටි බළලලූ ඔහුගේ ඡායාරූප වල ‘‘නිරූපණ ශිල්පීහු‘‘ වූහ.අවසානයේ සිය රට බලා ගිය ඔහු එම ඡායාරූප අන්තර්ජාලය වෙත එක් කිරීමට කටයුතු කිරීමත් සමග ලොව පුරා බළල් ලෝලීන්ගේ අවධානය ඒවා කෙරෙහි යොමු විය.ගම්මානයේ කදු පල්ලම් ආදී ස්ථාන වල සිට ඡායාරූප වලට ‘‘පෙනී‘‘ සිටි බළලූන් සියලූදෙනාගේ සිත්ගත් බව පෙනෙන්නට තිබුණි.

මෙහි ප‍්‍රතිඵලය වූයේ බළලූන් ඡායාරූපයට නැගීමේ අරමුණින්ම හොවුටොන්ග් ගම්මානය සොයා සංචාරකයින් පැමිණෙන්නට පටන් ගැනීමයි.දැන් හොවුටොන්ග් දෙස් විදෙස් සංචාරකයන්ගේ ඉහළ අවධානයක් දිනාගෙන ඇති ස්ථානයකි.බොහෝ දෙනා දැන් හොවුටොන්ග් හදුන්වන්නේ ‘‘බළල් ගම‘‘ ලෙසය.ගණන් බලා ඇති පරිදි මේ වන විට හොවුටොන්ග්හි බළලූන් 300 ක් පමණ වාසය කරයි.ගම්මුන්ටද හොද කලදසාවක් උදාවී ඇත.ගම්මානයට පැමිණෙන සංචාරකයින්ට සිහිවටන,ආහාර ආදිය අලෙවි කිරීමෙන් ඔවුන් ජීවිකාව සොයා ගනී.ගමට වසන්තය ගෙන ආ බළලූන් ඔවුන් ඉතා ආදරයෙන් රැක බලා ගනු ලබයි.බළලූන් වෙනුවෙන් නොමිලයේම පශු වෛද්‍ය සේවා ආදියද කි‍්‍රයාත්මකය.