තායිලන්තයේ දකුණු දිග යාලේ පළාතේ ආරක්ෂක මුරපොළකට එල්ල කරන ලද ප්‍රහාරයකින් 15 දෙනකු මියගොස් ඇතැයි වාර්තා වේ. 
 
මියගිය අය අතර පොලිස් නිලධාරියෙකු ද ග්‍රාමීය ආරක්ෂක ස්වෙච්ඡා සේවකයින් ද සිටිති. 
 
මෙය පසුගිය වසර තුළ තායිලන්තයේ සිදු වූ දරුණුතම ප්‍රහාරයන්ගෙන් එකක් ලෙස සඳහන් වේ.
 
සිද්ධියෙන් හතර දෙනකු තුවාල ලබා ඇති අතර බෙදුම්වාදීන් බවට සැකකරන පිරිසක් විසින් ප්‍රහාර එල්ල කර ඇතැයි බලධාරීහු පවසති.
 
පහරදුන් අය පුපුරණ ද්‍රව්‍ය භාවිතා කර ඇතැයි හෙළවී ඇත.
ප්‍රහාරය එල්ල කළ පුද්ගලයින් සම්බන්ධව හෝ ඔවුන්ගේ අරමුණ සම්බන්ධව පැහැදිලි තොරතුරු මෙතෙක් වාර්තා වී නොමැති බව පොලිසිය පවසයි.
 
තායිලන්තයේ දකුණු දිග ඇතිවූ බෙදුම්වාදී කැරැල්ලක් හේතුවෙන් 2004 වර්ෂයේදී දහස් ගණන් පිරිස් මියගොස් තිබේ.
 
(බීබීසි ඇසුරිණි - 085)