දිනෙන් දින ඉදිරියට යන ඉරාන අභ්‍යවකාශ වැඩසටහන යටතේ ඉරාන ගගනගාමියකු ලෙස පෘථිවි කක්ෂයට යෑමට තමන් කැමැත්තෙන් සිටින බව ඉරාන ජනපති මොහොමඞ් අහමදිනෙජාද් පවසයි.
ඉරානය ඔවුන්ගේ අභ්‍යවකාශ වැඩසටහනේ ප‍්‍රගතිය පෙන්නුම් කළේ වඳුරකු සහිත රොකට්ටුවක් ඉකුත් 28 වැනිදා සාර්ථකව පෘථිවි කක්ෂයට යවා එය යළි ගෙන්වා ගැනීමත් සමඟය.
අනාගතයේ දිනෙක ගගනගාමියකු අභ්‍යවකාශයට යැවීමටද ඉරානය බලාපොරොත්තු වෙයි. ලබන ජූනි මාසයේ දී දෙවැනි ධුර කාලයට සමු දී ජනපති ධුරයෙන් ද සමුගැනීමට සූදානම් වන ජනපති අහමදිනෙජාද් පවසන්නේ ඉරානය නියෝජනය කරමින් උඩුගුවනට යන පළමු ගගනගාමියා තමා වීමට තමා කැමැති බවය.

ඉරාන ජනපති (දකුණේ) අභ්‍යවකාශයට යැවුණු වඳුරා බැලීමට ගිය අයුරු