කැනඩා පාර්ලිමේන්තුවට අභිනවයෙන් පත්වූ පළමු දෙමළ සභිකයා වන නව ප‍්‍රජාතාන්ති‍්‍රක පක්ෂයේ මන්ති‍්‍රනී රාධිකා සිත්ස්බයේසන් තම පළමු කතාවේදීම කොටි මහ විරු දිනය ඉතා සුවිශේෂ දිනයක් බව සඳහන් කිරීම අරබයා අදහස් පළ කර ඇති කැනඩා පොදු ආරක්ෂක කටයුතු සම්බන්ධ ඇමති ස්ටීවන් බ්ලැන්ලි, නව මන්තී‍්‍රනී රාධිකා ත‍්‍රස්තවාදී සබදතා ඇති සංවිධානය වලින් ඡුන්ද දිනා ගැනීමට වෑයම් කිරීම අත්හළ යුතුව ඇතැයි පවසා තිබේ.

රාධිකා සිත්ස්බයේසන් ශී‍්‍ර ලංකාවේ උපන්නියක වන අතර ස්කාර්බොරෝ - රෝග් රිවර් ප‍්‍රදේශය නියෝජනය කරමින් නව ප‍්‍රජාතාන්ති‍්‍රක පක්ෂය යටතේ කැනඩා පාර්ලිමෙන්තුවට පත්ව සිටින්නීය.

කොටි මහවිරු දිනය යනු විවිධ භීෂණකාරී කි‍්‍රයාවල නියුතුවූ එල්.ටී.ටී.ඊ සාමාජිකයින් සැමරීමටත් එල්.ටී.ටී.ඊ සංවිධානයේ ප‍්‍රතිරූපය තවත් පුම්බා ගැනීමටත් පැවැත්වුනක් බව සඳහන් කර ඇති ඇමතිවරයා එල්.ටී.ටී.ඊ ය තහනම් කර ඇති කැනඩාවේ,විශේෂයෙන් කැනඩා පාර්ලිමෙන්තුවේ එම සංවිධානය සමරන්නට යෙදුණු දිනයක් ගැන ප‍්‍රශංසා මුඛයෙන් අදහස් පළ කිරීම කිසිසේත්ම සිදුනොවිය යුතුව තිබුණක් බව කියා ඇත.

තමන් මන්තී‍්‍රනි රාධිකාගේ ප‍්‍රකාශයෙන් දැඩි කම්පාවටත්,පිළිතුලටත් පත්වූ බව ඔහු පවසා තිබේ.

ඇය එතැනින් නොනැවතී කොටි මහවිරු දිනය කැනඩාවේ වසරක් පාසා සැමරෙන කැනඩා විරුවන්ගේ දිනයට සමාන කරමින් අදහස් පළ කිරීම ඇය එක් කණ්ඩායමක් වෙනුවෙන් පෙනී සිටින්නියක් බව හොඳීින්ම පෙන්වන්නක් යැයිද සඳහන් කර ඇති ඔහු ඇයගේ එම අදහස් වලට තමන් දැඩි විරෝධය දක්වන බවද කියා තිබේ.

ඇය තම ප‍්‍රකාශය සම්බන්ධයෙන් සමස්ථ කැනඩා ජනතාවගෙන් සමාව ඉල්ලා සිටිය යුතුව ඇතැයි ඔහුගේ අදහසයි.

ඇමතිවරයාගේ චෝදනා වලට පිළිතුරු ලෙස ඊමේල් පණිවුඩයක් යවා තිබෙන මන්තී‍්‍රව රිය එහි සඳහන් කර තිබෙන්නේ තමන් එක් කණ්ඩායමක් වෙනුවෙන් පෙනී නොසිටි බවයි.යුද්ධය නිසා පවුලේ සාමාජිකයින් අහිමිවී,හිතවතුන් අහිමිවී දුක්විදින සමස්ථ දෙමළ ප‍්‍රජාව හා සාමය ඇතිකිරීමට ඇපකැප වී කටයුතු කරන පුද්ගලයින් නියෝජනය කරමින්  තමන් එය සඳහන් කළා මිස එයින් තමන්ට ලැබෙන වාසියක් නොමැති බව ඇය තම පණිවුඩයේ දක්වා ඇත.

ඇයගේ ප‍්‍රතිචාරය එබදු වුවත් කොටි මහවිරු දිනය යෙදී තිබුණු පසුගියදා කැනඩාවේ තරුණ දෙමළ සංගමයට අයත් ෆේස්බුක් පිටුව කොටි ධජය වටා එක්රැුස්ව සිිටින කාකි ඇදුමින් සැරසී අවිගත් පුද්ගලයින් පිරිසකගේ ඡායාරූපයකින් සැරසී තිබුණි.