ලබන නොවැම්බර් මාසයේ පැවැත්වෙන ඇමෙරිකා ජනාධිපතිවරණයේදී වත්මන් ජනපති බැරැුක් ඔබාමා සමඟ තරග කරන තම අපේක්ෂකයා මිට් රොම්නි යැයි ප‍්‍රතිවාදී රිපබ්ලිකන් පක්ෂය ඊයේ (29) නිල වශයෙන් නිවේදනය කළේය. ජනපතිවරණය සඳහා රිපබ්ලිකන් පක්ෂය, මිට් රොම්නි (65) ඇතුළු අපේක්ෂකයන් කිහිප දෙනෙකු නම් කර තිබුණු අතර ඔවුන් අතරින් ඉදිරියට පැමිණීමට සමත් වූයේ රොම්නිය. රිපබ්ලිකන් පක්ෂ අභ්‍යන්තරයේ බොහෝ දෙනාගේ කැමැත්ත පළ වී ඇත්තේ ද රොම්නිටය. රොම්නි ඉදිරිපත් කළ ආර්ථික සහ ආරක්ෂක සැලැසුම් ගැන ඇමෙරිකානුවන් බොහෝ දෙනාගේ ප‍්‍රසාදය හිමි වී ඇතැයි ද රිපබ්ලිකන් පක්ෂය නිවේදනය කරයි. ඇමෙරිකා දේශපාලනඥයකු මෙන්ම ව්‍යාපාරිකයකු ද වන රොම්නි උපන්නේ 1947 වසරේ මාර්තු 12 වැනිදාය. ඇමෙරිකාවේ මැසචුසෙට් ජනපදයේ 70 වැනි ආණ්ඩුකාරවරයා ලෙස කටයුතු කළේ ද ඔහුය. තම උප ජනපතිවරයා ලෙස රොම්නි නම් කළ පෝල් රයන්ට ද ජනතා ප‍්‍රසාදය හිමිවී ඇත. මේ වනවිට රොම්නි ඇමෙරිකාව පුරා සැරිසරමින් මැතිවරණ රැුලි පවත්වන්නේ රයන් ද සමඟය. නොවැම්බර් ජනාධිපතිවරණයේදී රොම්නි, ඩිමොක‍්‍රටික් අපේක්ෂකයා මෙන්ම වත්මන් ජනපතිවරයා ද වන ඔබාමාට අභියෝගයක් වනු ඇතැයි රිපබ්ලිකන් පක්ෂය පවසයි.