යුරේනියම් සහ ප්ලූටෝනියම් යොදා ගනිමින් හැකි තරම් බෝම්බ නිෂ්පදනය කරන්නැයි උතුරු කොරියාවේ හිටපු නායක කිම් ජොං ඉල් ඔහුගේ විද්‍යාඥයන්ට අණ දුන් බවට තොරතුරු ඇතුළත් වාර්තා රැුසක් තමන් අතට පත් වී ඇතැයි ජපානය පවසයි. බටහිර ලෝකය සැක කළත්, උතුරු කොරියාව තරයේ කියා සිටින්නේ ඔවුන් යුරේනියම් සහ ප්ලූටෝනියම් එක්රැස් කර ගන්නේ න්‍යෂ්ටික බලය නිපදවා රටේ බලශක්ති අර්බුදයට පිළියම් සෙවීමට බවය. ජපන් රජය අතට පත් වූ එම උතුරු කොරියානු රාජ්‍ය රහස් වාර්තාවලින් පෙනී යන්නේ උතුරු කොරියාව විනාශකාරී අවි ආයුධ නිපදවීමට තැත් කර ඇති බව යැයි ජපන් රජය වැඩි දුරටත් කියා සිටී. දිගු කලක් රෝගීව සිටි කිම් ජොං ඉල් මියගියේ පසුගිය වසරේ දෙසැම්බර් මාසයේදීය. උතුරු කොරියාවේ වත්මන් නායකයා වන්නේ ඔහුගේ පුතු කිම් ජොං උන්ය. මේ වනවිට රටේ න්‍යෂ්ටික වැඩසටහනට නායකත්වය දෙන්නේ ඔහුය.