බටහිර ඉවුරේ කලන්ඩියා සරණාගත කඳවුරේ ඊයේ (26) හටගත් ගැටුමකදී ඊශ‍්‍රායල ආරක්ෂක අංශ සිදුකළ වෙඩි තැබීමකින් පලස්තීන ජාතිකයකු ජීවිතක්ෂයට පත්වූ අතර 20 දෙනෙක් තුවාල ලැබූහ.
ඊශ‍්‍රායල ආරක්ෂක අංශ කියා සිටියේ ගැටුම හටගත් අවස්ථාවේ පිරිස විසුරුවා හැරීමට තමන් වෙඩි තැබූ බවය. තුවාල ලැබූ පිරිස කඩිනමින් රෝහල් ගත කළ බව ද වාර්තා වේ.
හටගත්තේ ඊශ‍්‍රායලය සහ පලස්තීනය අතර සාම කතා වසර ගණනාවකට පසු යළිත් වරක් ආරම්භ වී ඇති අවස්ථාවකදීය. එම සාම කතා ඇරැඹුණේ ඉකුත් 15 වැනිදාය.
සාම සාකච්ඡා ඇරැඹුණේ ඇමෙරිකා රජයේ මැදිහත් වීමෙනි. සාකච්ඡා සම්බන්ධයෙන් මැදහත්කරු ලෙස කි‍්‍රයා කරන්නේ ඇමෙරිකා රාජ්‍ය ලේකම් ජෝන් කෙරීය.
සාකච්ඡා සාර්ථක කර ගැනීමේ අරමුණි, ඊශ‍්‍රායලය ඔවුන්ගේ අත්අඩංගුවේ සිටි පලස්තීන ජාතික දේශපාලන සිරකරුවන් පිරිසක් ද නිදහස් කිරීමට පියවර ගත්තේය.