ඉරාන ජනපති මහමුද් අහමදිනේජාද් කෙටි සංචාරයක් සඳහා පෙරේදා(19) බොලිවියාවට පැමිණි බව විදෙස් වාර්තා සඳහන් කරයි. එක්සත් ජාතීන්ගේ තිරසර සංවර්ධනය පිළිබඳ වන සමුළුව මෙවර බ‍්‍රසීලයේදී පැවැත්වෙන අතර ඊට සහභාගීවීමට යමින් සිටි අතරතුර ඉරාන ජනපතිවරයා බොලිවියාවට පැමිණියේය. එහිදී බොලිවියා ජනපති ඉවෝ මොරාලෙස් විසින් ලා පාස් හි පිහිටි එල් අල්ටෝ ගුවන්තොටුපළේදී ඉරාන ජනාධිපතිවරයාව උණුසුම් ලෙස පිළිගත් බව වාර්තා වේ. අනතුරුව ක්විමඩෝ ජනපති මැඳුරේදී රාජ්‍ය නායකයන් දෙපළ ද්වීපාර්ශ්වීය සබඳතා ශක්තිමත් කර ගැනීම පිළිබඳව සාකච්ඡුා කළ බව බොලිවියානු විදේශ ඇමැති ඬේවිඞ් චොක්වෙහුවන්කා පැවැසීය. ඉරානයට බටහිර බලවතුන්ගෙන් එල්ලවන බලපෑම් හමුවේ ජනපති අහමදිනේජාද් ලතින් ඇමෙරිකානු රටවල් සමඟ සබඳතා වඩා ශක්තිමත් කර ගැනීමට කටයුතු කරමින් සිටී.